Burela, 9 de outubro de 2024. O Concello de Burela responde ás acusacións do Partido Popular sobre os orzamentos nas festas patronais: “O Concello aportou 81.000€ e a Deputación 17.000€, como se dixo no pleno municipal”.
Así o expresa a concelleira de Festas e de Economía e Facenda, Patricia Eijo, que lamenta que “o PP de Burela xogue sempre a confundir aos veciños e veciñas, non é nada novo”.
O portavoz local do PP, Manuel Rouco, acusou ao Goberno municipal de non explicar no pleno os gastos das festas e afirmou que foron superiores aos 81.000€ anunciados.
“No último pleno explicouse, como se pode ver na gravación, que a aportación económica do Concello para as festas patronais foi de 81.000€”, subliña Eijo.
“Eses 17.000€ que ao señor Rouco non lle cadraron no Pleno xa lle explicamos que veñen da subvención do Plan Único da Deputación”, apunta a concelleira. “Grazas a esta institución e ao Concello podemos ter as festas que Burela merece”, engadiu.
Eijo lamentou que o voceiro do PP en Burela falase no pleno dunha suposta “cifra que anda circulando por aí” sen concretar de onde saíu dita cifra. “Esa frase xa o di todo, pouco máis que engadir”, sinala.
Recriminou aos populares que “engordan cifras, dan datos de oídas e non saber manexar facturas, demostran non dominar o básico da xestión económica dun concello”.
“Explicamos no Pleno a aportación municipal de forma clara, e ademáis, lembramos que desde hai anos a Comisión de Festas non pide colaboración económica polas casas, sendo o Concello quen aporta uns 8€ por persoa censada”, destaca a concelleira de Facenda.
“Resulta sorprendente que o portavoz do PP, con tantos anos como leva na oposición, aínda non saiba como son os trámites no Concello e que as preguntas realizadas dos plenos respóndense no seguinte ordinario, como así se fixo desde que se tivo a información”, explicou.
Entre os 81.000€ aportados polo Concello para as festas inclúense gastos como os 3.500€ para adecuar o piso do campo da festa, os 9.382,56€ do elevador para cortar o verde da alfombra e material como flores ou tintes, os 35.000€ da subvención que se lle concede á asociación das festas ou os 10.088€ da taxas de portos.
“Por suposto, colaboramos coas asociacións, como a das festas patronais ou a da alfombra floral, para sacar adiante as propostas e eventos da nosa vila”, indicou Eijo.
A concelleira pediu ao PP “actuar con coherencia, con datos reais, e apoiar por exemplo a solicitude ante Portos para que non se cobren esas taxas tan elevadas de máis de 10.000€”.
“Non lles quero dar leccións de como ser un bo político na oposición, pero neste caso deben deixar dun lado o seu propio ego para actuar con ética, xa que as festas patronais foron un orgullo para todos os bureleses e burelesas”, concluíu.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
