A Mariña, 8 de outubro de 2024. A vindeira fin de semana seguirán por Trabada e por Xove as rutas e visitas guiadas de outono da Mancomunidade: A Mariña. Plans con Corazón. Trátase dun proxecto promovido pola Mancomunidade, coa colaboración da Xunta de Galicia e da Deputación de Lugo, que busca dinamizar a actividade turística durante os meses de outubro e novembro.
A paisaxe fluvial e a etnografía de Trabada serán as protagonistas o vindeiro 12 de outubro. A visita será guiada por Carmen Delia. Os asistentes realizarán unha pequena visita para descubrir tradicións, a historia, o patrimonio natural e industrial de Trabada comezando polo Eo nun espectacular recuncho de Ría de Abres. Os participantes terán a posibilidade de coñecer a vía verde que vertebrou a comarca, ademais de ser parte do patrimonio industrial da Mariña, como é o caso da Sociedade Mineira de Vilaodriz. O percorrido rematará no museo etnográfico de Trabada, onde poderán observar a colección de José Rocha, e despois degustar algún produto típico da zona.
O domingo, 13 de outubro, as rutas da Mancomunidade achegaranse ata San Tirso de Portocelo, en Xove, da man de Boris Vilar. As persoas que acudan a esta visita descubrirán desde Punta Roncadoira a monumentalidade da paisaxe costeira xovense, gozando dunha magníficas vistas, que non deixan indiferente a ninguén. Achegaranse ata o antigo forte de Punta Mexiluíde, sobre o que se poden contemplar os restos da igrexa e do anterior mosteiro de San Tirso de Portocelo. E subirán ao Monte Castelo para ver as formacións graníticas desa zona así coma os cantís.
Toda a información sobre as rutas e visitas guiadas de outono da Mancomunidade de Concellos da Mariña atópase en: https://amarinalucense.gal/es/a-marina-planes-con-corazon
Pasada fin de semana
A Mariña: Plans con Corazón daba comezo a pasada fin de semana, os días 5 e 6 de outubro, en Burela e O Vicedo.
Vintecinco persoas procedentes de Castro Ribeiras de Lea, Foz, Viveiro, Burela, Cervo, Lugo, Ribadeo, Barreiros, Lourenzá, Touro e Vilalba participaron na ruta Burela de Cabo a rabo, conducida por Noela Feal, o pasado sábado. Os participantes tiveron a oportunidade de achegarse ao mural de Burela In, pasaron pola Moncloa e pola nave de redes, escoitaron a historia da guerra do Bonito, que está de 30 aniversario, así como as explicacións dos artistas que están a facer o mural da Confraría, que está de centenario. E despois de admirar os numerosos e preciosos murais do espigón, fixeron un tramo da senda do litoral burelés, para remtar en Conservas Faro Burela, onde coñeceron o seu traballo e traxectoria, antes de facer unha degustación de bonito.
O domingo vintecatro persoas chegadas de Castro Ribeiras de Lea, Burela, Madrid, Cervo, Lugo, Viveiro, Foz, Xermade e Monforte de Lemos coñeceron os misterios do litoral do Vicedo, guiados por Boris Vilar. Os asistentes tiveron a oportunidade de coñecer a igrexa parroquial de Santo Estevo do Val, que recentemente foi obxeto de distintos achádegos que denotan unha maior antigüidade da que se tiña constancia e que podería ter certa relación co desaparecido mosteiro da Coelleira. Despois o grupo desplazouse ata a praia de Xilloi para facer unha ruta na que visitaron o barrio de Baltar, onde se atopa a Casa do Paisano, vencellada aos relatos sobre os monxes templarios de San Miguel da Coelleira. Xa no areal, pasaron polas penas do Altariño, no que outras lendas sitúan o cadro de Santo Estevo que foi levado ata o lugar no que se erixe a igrexa. E seguindo o Camiño Natural do Cantábrico fixeron varias paradas para contemplar a beleza do litoral.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
