Burela, 30 de setembro de 2024. O Concello de Burela acollerá este xoves, día 3 de outubro, a primeira etapa das 12º Marchas Ciclistas Unificadas de Special Olympics Galicia.
A alcaldesa Carmela López destaca que a cita “promove a práctica deportiva entre as persoas con diversidade funcional ou intelectual, ao mesmo tempo que fomenta valores como a solidariedade, a igualdade de oportunidades ou a plena integración de todas as persoas na sociedade”.
A rexedora puxo en valor o “incansable esforzo que realiza unha vez máis Special Olympics por sacar adiante a duodécima edición das Marchas Ciclistas Unificadas, na que os participantes poderán percorrer diferentes puntos da xeografía galega”.
López resaltou tamén o traballo da fundación Eu Son, entidade burelá que ten como obxectivo defender os dereitos das persoas con discapacidade intelectual e da que tamén é presidenta, “que sempre participa activamente en todas as actividades que se fan na vila, incluíndo esta”.
Por outra banda, a concelleira de Servizos Sociais, Sandra Fernández, sinalou que “a diversidade é unha das nosas maiores fortalezas, e eventos coma a XII Marchas Ciclistas Unificadas Special Olympics son a proba de que, cando traballamos xuntos, podemos crear unha sociedade máis xusta e igualitaria”.
A nova edición do evento deportivo volverá percorrer durante catro días consecutivos as catro provincias galegas. A primeira etapa contará cun total de 20,4 km, con saída e chegada na Praza do Concello, e alcanzará incluso o veciño municipio de Cervo.
A cita de Burela comezará co acto de inauguración ás 10:45, que virá seguido da saída da Marcha ás 11:30 e da clausura ás 14.00. Participarán un total de 44 persoas, con 25 ciclistas, 8 adestradores e 11 persoas de apoio.
As persoas participantes pertencen ás entidades Aspas de Santiago, As Burgas de Ourense, PRODEME de Monforte e Fundación Eu Son de Burela, así como do Club Ciclista Monforte.
As Marchas Ciclistas Unificadas continuarán o venres 4 en Santiago de Compostela, chegarán o sábado 5 a O Carballiño e rematarán o seu percorrido o domingo 6 en Vilagarcía, culminando así un periplo polas catro provincias galegas.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
