A proposta dos populares, que se corresponde cun dos puntos do acordo entre XViveiro e os socialistas, saíu aprobada cos votos a favor do PP e XViveiro e as abstencións de PSOE e BNG
Viveiro, 26 de setembro de 2024. Os concelleiros do Partido Popular lograron aprobar no pleno deste mércores a súa iniciativa para instar ao Concello a promover a celebración dun Foro Económico para analizar a situación e propoñer medidas para reactivar a economía local cos votos a favor de XViveiro e as abstencións de PSOE e BNG.
“É curioso que o PSOE se absteña na votación”, é dicir, que non apoie esta iniciativa que se corresponde cun dos puntos do acordo programático entre socialistas e XViveiro para investir alcaldesa á señora Loureiro, explica a portavoz popular Mariña Gueimunde. “Tiñan xa un compromiso real coa súa celebración porque estaba xa no acordo. Pero isto indica que non hai intención ningunha de cumprilo. Nin este punto nin ningún dos que restan”, subliña.
Coa celebración do Foro Económico en Viveiro, os populares pretendían “buscar algunha solución a través de propostas dalgún proxecto ou idea que nos saque deste letargo tralo peche de industrias e as dificultades ás que se enfrontan diariamente comercios, autónomos e PEMES”.
Por outra banda, os populares consideran “unha tomadura de pelo” o recoñecemento extraxudicial de crédito que o goberno local de PSOE e BNG levou ao pleno deste mércores con facturas do ano 2023 por valor de 125.275 euros; toda vez que “o anterior era o último e nin sequera o será porque teremos outro a finais de ano polo menos para pagar as facturas da luz porque xa se acabou a partida consignada para ese fin”.
Nesta ocasión, os concelleiros do Partido Popular que teñen apoiado outros recoñecementos anteriores, “non imos participar” porque “non queremos participar en ningunha irregularidade”. Gueimunde explica que “consideramos que moitos dos gastos non son necesarios” e, incluso, outros “son de dubidosa procedencia”. De feito, “non souberon explicarnos en que se gastaron 6.300 euros na limpeza de praias no mes de novembro” polo que “cremos que non se corresponde co que recolle o concepto”.
“Estes máis de 125.000 euros son a maiores dos outros 835.000 euros que xa se aprobaron en pleno para pagar facturas pendentes do ano 2023. Son máis de 1 millón de euros que condicionan terriblemente as inversións de cara a este ano e os próximos”, explicou Mariña.
A popular lembrou que “o noso Grupo Municipal levara a pleno unha iniciativa para rematar con esta forma de proceder: realizar gastos sen consignación orzamentaria, sen seguir o procedemento de contratación que marca a lei, etc”.
CONCILIACIÓN
Os populares tamén presentaron un rogo en relación ao programa ‘Madrugadores’ que poden implantar os Concellos ou as Anpas nos colexios públicos para atender ao alumnado antes de que comece o horario lectivo. “A Xunta convoca axudas, financiadas polo programa Corresponsables, para que os Concello poidan adherirse; pero o goberno municipal de Viveiro non as solicitou. Solo solicitou para campamentos de verán e atención a menores a domicilio. O goberno bipartito non só non solicita axudas, senón que tampouco presta axuda ás Anpas para que teñan máis posibilidades de acceder ás axudas da administración autonómica”.
Mariña Gueimunde engade que “tampouco segue colaborando co programa ‘Educando en familia’ que levaba anos implantado en Viveiro. Isto demostra claramente a nula aposta do Concello de Viveiro pola conciliación”.
REUNIÓNS COA XUNTA E COS PORTAVOCES MUNICIPAIS
A popular afeou a Loureiro no pleno que “en 8 anos nos que fun xefa territorial de Educación non se puxera en contacto comigo para pedir unha reunión ou trasladar necesidades de ningún centro educativo. E a pesar diso, recibiron máis de 3 millóns de euros en 8 anos para melloras porque sempre trato de tirar por Viveiro”.
Gueimunde púxose a disposición da alcaldesa e, incluso, lle ofreceu recibila este mesmo xoves. No encontro que se celebrou nun clima de concordia e colaboración, Gueimunde ofreceuse a trasladarlle ao delegado da Xunta en Lugo as necesidades do Concello.
A portavoz popular pediu durante o pleno que “nas reunións con representantes da Xunta sobre temas importantes para Viveiro -como pode ser a variante, o PXOM, etc.- estean presentes os portavoces de tódolos grupos da corporación municipal.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
