Tamén reclamou ao Ministerio de Agricultura, Pesca e Alimentación que actúe no marco da normativa comunitaria fronte aos produtos plant-based como xa fixeron outros países como Italia ou Francia
Ribeira (A Coruña), 20 de setembro de 2024. O concello coruñés de Ribeira acolleu a III Xornada de Pesca organizada pola Sociedade Cooperativa Galega do Mar Santa Uxía (OPP-83) na Escola Oficial Náutico- Pesqueira da localidade. No evento se abordaron asuntos de interese para o sector como o novo regulamento de control, os problemas de comercialización ou as oportunidades de financiación a través do Fondo Europeo Marítimo para a Pesca e Acuicultura (Fempa).
Ata alí se desprazou o conselleiro do Mar, Alfonso Villares, onde reclamou ao Goberno central unha maior implicación na promoción dos produtos pesqueiros nun contexto de progresivo descenso da presencia destes alimentos na cesta da compra. Nesta liña, puxo en valor o compromiso da Xunta neste ámbito con campañas como GALICIA SABE AMAR, apoiando as iniciativas realizadas polo propio sector así como con axudas autonómicas para potenciar a presenza da cadea mar-industria nos mercados internacionais.
Neste sentido, Alfonso Villares mostrou a súa desaprobación á tramitación por parte do Ministerio de Consumo dun decreto para regular a seguridade alimentaria e nutrición para o fomento dunha alimentación saudable e sostible nos centro educativos que limita o consumo destes alimentos. Unha proposta que choca coas premisas da Organización Mundial da Saúde e que vai no sentido oposto aos informes emitidos pola propia Axencia Española de Seguridade e Nutrición que recomenda tres ou máis racións semanais. Unha medida, ademais, que tería un impacto negativo para un sector responsable e modelo de sostibilidade.
Regulación do etiquetado
O titular de Mar reclamou ao Ministerio de Agricultura, Pesca e Alimentación que actúe no marco da normativa europea para regular e impedir o etiquetado de produtos plant-based polo que se comercializan produtos vexetais baixo denominación de peixe ou especies de peixe. Unha práctica irregular que está a prexudicar gravemente ao sector. Así, defendeu que o Executivo estatal debe responder ás demandas de entidades representantes da cadea mar-industria como Anfaco-Cecopesca ou Conxemar e regular esta práctica na liña doutros países europeos como Italia o Francia.
E antes de repartir ilusión, o Concello de Cervo encargoulle que fixese unha parada co seu elfo no centro de Saúde Mental Adaoemam A Mariña onde recolleu uns detalliños para cada pequeno/a que fixeron con todo o cariño, como sempre.
A temática elixida para este 2025 son paisaxes do municipio pouco coñecidos. Panorámicas singulares ou recunchos de gran beleza pertencentes ás oito parroquias de Xove, que son pouco coñecidas polo público en xeral, e mesmo, en moitas ocasións, tamén pola propia veciñanza. O almanaque complétase cunha felicitación de nadal do alcalde e da corporación municipal do Concello de Xove, ademais dunha ampla listaxe con teléfonos de servizos de interese para a poboación.
Alfonso Villares expresou a súa repulsa ao tráxico suceso de violencia machista producido este mércores neste municipio.
O secretario xeral da Lingua, Valentín García, participou este xoves no cemiterio vello de Mondoñedo na ofrenda floral no panteón de Pascual Veiga, no marco dos actos conmemorativos do Himno galego.
Mondoñedo foi o primeiro concello galego no que se declarou unha área Rexurbe hai tres anos, e xa deu froitos como a rehabilitación dun edificio convertido en casa de maiores. Ademais, a Xunta traballa na rehabilitación doutros cinco inmobles que adquiriu na zona e que permitirán habilitar sete vivendas tras un investimento aproximado de 1,5 millóns de euros.
A institución provincial colabora con este evento único, no que se inclúe un primeiro pase ás 18:00 horas e un segundo ás 20:00 horas, cunha achega económica de 3.500€.
