Segunda xornada da liga ante o ARRIVA AD Alcorcón nun encontro moi emocionante e competido no que as locais logran empatar nos últimos segundos de xogo
Burela, 14 de setembro, 2024. Este sábado celebrouse a 2ª xornada da liga de Primeira División Iberdrola FS na que o Pescados Rubén puido presentar ao seu equipo ante un dos conxuntos máis perigosos da categoría, tamén aspirante a loitar polos postos de playoff, o ARRIVA AD Alcorcón FSF. Encontro moi competido e igualado durante todo o xogo no que comeza poñéndose por arriba no marcador o conxunto rival e continúa na mesma dinámica ata o minuto 40, cun resultado final 3-3 e moita emoción dende o minuto 1 ata o 40.
Comeza o espectáculo xa nos primeiros minutos de xogo, cun gol de Laura dende a área tras un saque de esquina no minuto 3. Despois do bajón dun primeiro gol encaixado nos primeiros minutos domina o partido o Alcorcón ata o minuto 5 no que comezan a apertar as locais e chega o gol do empate cun remate de Débora desde a área a pase de Patricia. Nunha primeira parte con moito ritmo e tensión, chega a sexta falta do Burela no minuto 15 que lanza Vane Sotelo e desvía co pé Caridad, frustrando o segundo das madrileñas. Continúa a tensión e no 18 chega a sétima falta das locais que volve salvar unha enorme Caridad. Nun minuto 20 frenético chega a sexta falta do Alcorcón e o segundo tanto do Burela cun lanzamento de Emilly, xusto antes da oitava falta das mariñás e terceiro paradón de Caridad.
A segunda parte preséntase da mesma maneira que a primeira, no minuto 23 Peque non perdoa e empata o encontro cun golazo tras un acertado saque longo de Etayo. Desenrólase o xogo parello, pero con máis momentos de dominio das visitantes e chega o 2-3 cun gol de Sara despois dun pase picado de Peque. Con moitos intentos, pero non moito tino, no minuto 35 Julio Delgado aposta polo xogo de cinco saíndo Cilene a presionar coa elástica verde. É no minuto 40 cando as burelenses logran empatar cun remate de Patricia desde a área tras unha boa acción de xogo de cinco.
A semana que vén as Pícaras disputarán a terceira xornada ante o recentemente ascendido Guadalcacín no pavillón municipal co mesmo nome ás 18.00h da tarde.
Ficha Técnica Pescados Rubén Burela FS FS 3-3 ARRIVA A.D. Alcorcón FSF
Pescados Rubén Burela FS (3): Caridad; Cami, Patricia, Débora, Emilly- cinco inicial-, Cilene, Antía Pérez, Carolina Pedreira, Dany (C), Noelia Montoro, Dinha. Entrenador: Julio Delgado.
ARRIVA A.D. Alcorcón FSF (3): Etayo; Aída de Miguel, Peque, Albita, Vane Sotelo -cinco inicial-, Sara, Laura, Tania Benito, Noe, Ana Sanz, María B. Entrenador: Raúl Castro “Piru”
Goles: 0-1, min 3: Laura. 1-1, min.6: Débora. 2-1, min.20: Emilly. 2-2, min.23: Peque. 2-3, min.28: Sara. 3-3, min.40: Patricia.
Árbitros: Sergio Sánchez Llorente, Víctor Toca Campo, Adrián García López, Eva López Seijas.
TA: Julio Delgado e Antía Pérez
Visitantes de toda Galicia e doutras partes de España acudiron á carpa instalada na Praza da Constitución. López agradeceu o labor do Concello e da Alcaldesa, a participación e o bo facer dos produtores e puxo en valor a alta calidade do produto. “Dende a Deputación de Lugo estamos e estaremos sempre do lado do sector primario e por iso, como non podía ser doutra maneira, colaboramos coa proxección desta cita. Estamos ao carón de todas as persoas que traballan para manter vivo e impulsar o rural”, valorou.
E antes de repartir ilusión, o Concello de Cervo encargoulle que fixese unha parada co seu elfo no centro de Saúde Mental Adaoemam A Mariña onde recolleu uns detalliños para cada pequeno/a que fixeron con todo o cariño, como sempre.
A temática elixida para este 2025 son paisaxes do municipio pouco coñecidos. Panorámicas singulares ou recunchos de gran beleza pertencentes ás oito parroquias de Xove, que son pouco coñecidas polo público en xeral, e mesmo, en moitas ocasións, tamén pola propia veciñanza. O almanaque complétase cunha felicitación de nadal do alcalde e da corporación municipal do Concello de Xove, ademais dunha ampla listaxe con teléfonos de servizos de interese para a poboación.
Alfonso Villares expresou a súa repulsa ao tráxico suceso de violencia machista producido este mércores neste municipio.
O secretario xeral da Lingua, Valentín García, participou este xoves no cemiterio vello de Mondoñedo na ofrenda floral no panteón de Pascual Veiga, no marco dos actos conmemorativos do Himno galego.
Mondoñedo foi o primeiro concello galego no que se declarou unha área Rexurbe hai tres anos, e xa deu froitos como a rehabilitación dun edificio convertido en casa de maiores. Ademais, a Xunta traballa na rehabilitación doutros cinco inmobles que adquiriu na zona e que permitirán habilitar sete vivendas tras un investimento aproximado de 1,5 millóns de euros.
A institución provincial colabora con este evento único, no que se inclúe un primeiro pase ás 18:00 horas e un segundo ás 20:00 horas, cunha achega económica de 3.500€.
