A alcaldesa quixo agradecer o gran traballo das monitoras e voluntarias “pola súa implicación e entrega durante todo o verán, un traballo fundamental que é chave no éxito do programa”
Cervo, 10 setembro de 2024. O Concello de Cervo vén de clausurar unha nova edición do programa Cervo Concilia, que se desenvolveu ao longo do verán ata o inicio do novo curso escolar que terá lugar este mércores, no que participaron máis de 150 nenos e nenas, cubrindo ao 100% a demanda existente.
A alcaldesa, Dolores García Caramés, acompañou aos rapaces neste día no que tamén desfrutaron dunha divertida Festa da escuma na Praza dos Campos.
O programa Cervo Concilia, que é xa un clásico do verán cervense, está dirixido aos rapaces e rapazas de entre 3 e 12 anos que puideron desfrutar de actividades ben diferentes como teatro, ioga, surf, kaiak, rutas de sendeirismo…Tal e como apuntou a rexedora “Cervo Concilia pretende ser moito máis que unha simple alternativa ás vacacións escolares, constrúese sobre unha axenda variada, chea de actividades que fomentan o desenvolvemento persoal das crianzas” desde deporte, talleres creativos e actividades ao aire libre, ata programas educativos que reforzan valores como o traballo en equipo, o respecto pola contorna e a solidariedade.
A alcaldesa puxo de manifesto que o obxectivo do programa “non é só ofrecerlle ás crianzas un espazo seguro de aprendizaxe e diversión, senón tamén, e fundamentalmente, “contribuír de xeito significativo á conciliación da vida familiar e laboral”. Somos conscientes –engadiu- que a conciliación é un dos grandes desafíos aos que se enfrontan moitas familias na nosa sociedade actual, os meses de verán poden supoñer un auténtico reto para moitas delas, porque as obrigas laborais non se deteñen. Por elo –subliñou- tratamos de ofrecer e buscar solucións como o Cervo Concilia, que permitan ás familias estar tranquilas, sabendo que os seus fillos están nunha contorna segura e enriquecedora.
A alcaldesa quixo agradecer ao equipo humano formado por 10 monitoras e 11 voluntarias “porque o seu traballo é fundamental para garantir o éxito do programa cun labor e dedicación chave para que as crianzas se divirtan ao tempo que aprenden, interactúan cos seus compañeiros, fan novas amizades e viven experiencias que, seguro, recordarán durante anos”.
E tamén ás familias por confiarnos un ano máis –apuntou- aos seus nenos e nenas durante estas semanas “desde o Concello seguiremos impulsando este tipo de iniciativas para axudar a equilibrar a vida laboral e persoal”
Este lembra ao poeta de Órrea no 127 aniversario do seu nacemento con música e baile tradicional e unha esfollada de millo, un traballo comunitario das noites de outono.
Unha iniciativa que desenvolve a Asociación de Mulleres Empresarias da provincia de Lugo (AELU) no marco do programa NINFAS, que conta cunha achega da Deputación de 35.000€.
Será no pavillón de Marzán a partir das 19:30h.
Segundo a información recibida no 112 Galicia por parte dos equipos de extinción, ardeu un alpendre que tiña acumulado no seu interior uns dous camións de leña. O 112 Galicia foi coñecedor do sucedido ás 04:45 horas da madrugada mediante o aviso dun particular que indicaba que estaba ardendo un alpendre situado en A Picañeira, na parroquia de Roás, en Cospeito. Nesta primeira chamada xa indicaba que non había persoas afectadas nin vivendas preto. Desde a sala de operacións do 112, pasouse aviso aos Bombeiros de Vilalba e á Garda Civil. Nestes momentos, o lume está extinguido e están procedendo a arrefriar a zona. Por fortuna, ningunha persoa resultou afectada.
A cita é ás 18 horas. Entrada de balde ata completar aforo.
Tivo lugar este luns na Casa do Mar como peche da programación do Concello de Cervo polo Samaín. As crianzas desfrutaron moito trazando ás súas personaxes favoritas.
Pódese axudar entregando: Auga embotellada, leite, alimentos non perecedoiros e artigos de limpeza persoal nos puntos de recollida habilitados na Casa do Concello e na Casa da Cultura (en horario de mañá).
