Viveiro, 10 de setembro de 2024. As Concellerías de Obras e Medioambiente do Concello de Viveiro informan de que os traballos no Parque Pernas Peón “avanzan a bo ritmo con novas plantacións de árbores, grazas á subvención de 105.897,25€ de fondos europeos recibida”.
A tenenta de alcaldesa de Viveiro e concelleira responsable destas áreas, Míriam Bermúdez, explica que estas actuación “teñen como principal obxectivo mellorar a accesibilidade e naturalizar o parque, transformándoo nun espazo máis integrado coa contorna natural da praia de Covas”.
“Un aspecto clave deste proxecto é a nova plantación de árbores, arbustos e vivaces que se realizará para incrementar a biodiversidade”, destaca Bermúdez. “Non só buscamos embelecer o parque, senón tamén facer un uso sostible dos recursos naturais, creando un espazo verde máis aberto e accesible”, engade.
A plantación de árbores incluíe ás seguintes especies, todas elas con troncos de entre 12 e 16 centímetros de diámetro: nove liquidambar styraciflua, unha fraxinus ornus, unha tipuana tipu, unha acer rubrum, unha erytrina crista-galli e unha Sorbus aucuparia. Ademais, plantaranse un total de 155 arbustos e 441 vivaces.
“Taláronse exclusivamente árbores enfermas e en mal estado ao representar un risco para a seguridade e o bo desenvolvemento do proxecto, unha medida necesaria para garantir a saúde do ecosistema”, apunta a tenenta de alcaldesa.
As obras tamén incluíron a eliminación de tocos e a retirada dunha parte do muro que delimita a zona norte do parque, mellorando o acceso cara á praia de Covas.
A creación dun paso de peóns elevado, a pavimentación dos accesos ao restaurante e aseos públicos e a construción dunha beirarrúa de 3 metros de ancho forman tamén parte das melloras, que permitirán unha mellor accesibilidade no parque.
Bermúdez subliñou que “a nova beirarrúa mellorará considerablemente a accesibilidade, permitindo que todas as persoas poidan desfrutar deste espazo público sen limitacións de ningún tipo”.
“Estas actuacións, financiadas nun 90% polos fondos do Mecanismo de Recuperación e Resiliencia da Unión Europea, seguen en tempo e forma, permitindo finalizar as obras conforme ao prazo previsto e convertendo o Parque Pernas Peón nun espazo máis natural, accesible e diversificado”, conclúe.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
