Os populares consideran “crítica” a situación destas parroquias e reivindican como “urxente e necesario” corrixir os problemas na rede de abastecemento de auga
Viveiro, 27 de agosto de 2024. O PP de Viveiro considera “urxente e necesario” corrixir os problemas na rede de abastecemento de auga que afectan ás parroquias de Galdo, Landrove e Magazos. Así, propoñen ao goberno municipal investir na posta a punto da rede de abastecemento de agua destas parroquias o resultante das contías de gasto reservadas no presuposto 2024 para a Policía Local e que non foron executadas ao levar 6 meses sen este servizo.
Os concelleiros populares subliñan como “crítica” a situación destas parroquias e da que xa advertiran o mes pasado ante as continuas queixas dos veciños e veciñas polos “continuos cortes de auga sen ningún tipo de aviso previo” que “provocan inevitables trastornos para a vida diaria dos veciños”. De feito, “sofren constantemente cortes no subministro que lles impiden realizar tarefas coma o aseo persoal, labores de limpeza nos seus fogares e negocios ou algo tan necesario como dar de beber aos animais ou regar as hortas”.
Para os concelleiros do PP “é obriga do goberno local valorar e cubrir na medida do posible as necesidades básicas dos cidadáns, garantindo os servizos coma o da auga”.
Á vista de que “levamos 6 meses sen efectivos municipais -nos que nin a alcaldesa nin a súa socia de goberno avanzaran para esclarecer e solucionar a situación que vive a Policía Local de Viveiro co seu corpo de baixa médica dende finais de febreiro-, entendemos que se liberaría unha contía importante do presuposto que queda dispoñible para realizar redistribucións de gasto que permitan consignar crédito para outras aplicacións”.
E, tendo en conta que “a auga é un ben básico e o seu subministro é unha competencia municipal, instamos ao goberno bipartito a que teña en conta a necesidade de garantir o acceso á auga potable aos veciños destas parroquias de Viveiro”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
