O conselleiro do Mar, afirma que a presidencia española do Consello da UE foi unha oportunidade perdida para frear os recortes nas capturas en especies de gran interese para a frota galega
Santiago de Compostela, 24 de agosto de 2024. O conselleiro do Mar, Alfonso Villares, apoia as demandas do sector pesqueiro galego e recama ao Goberno central cambios na política de cotas pesqueiras que permita garantir a sustentabilidade medioambiental dos caladoiros así como a viabilidade económica da actividade pesqueira. Así, o responsable autonómico pon en valor a actuación do Goberno autonómico en defensa dos intereses da pesca galega coa presentación de alegacións ás resolucións da Secretaría Xeral de Pesca na que se recollían propostas concretas que permitían mellorar o reparto de TACs actual.
O conselleiro do Mar recorda que o reparto de cotas acordado no Consello de Ministros de Pesca da Unión Europea a finais do ano pasado foi unha oportunidade perdida, especialmente se temos en conta que nese momento España ostentaba a presidencia rotatoria do Consello da UE. “Así o manifestamos en Bruxelas durante as negociacións que non supuxo ningunha mellora á proposta inicial da propia Comisión” explica. Deste xeito, non houbo ningunha reversión dos recortes nas capturas en especies de gran interese para a frota galega como poden ser o xurelo, o abadexo ou a raia, entre outras.
Nesta liña, destaca que desde Galicia se realizaron alegacións a comezos de ano ás resolucións da Secretaría Xeral de Pesca fronte a estes recortes reclamando poder acumular cotas de varias zonas alén da propia flexibilidade das 8C (de Fisterra para arriba e o Cantábrico) e 9A (Fisterra cara abaixo). A xa exigua cota de abadexo fixada para os anos 2024 e 2025 de 70 toneladas para a zona 8C redúcese polo rebasamento no 2023 das posibilidades de captura en so 55,7 toneladas. Co obxectivo de limitar o impacto na frota galega, alegouse ante o Ministerio que a resolución apunta que, en base á evolución dos consumos, se podería engadir a porcentaxe que se determine da cota de España de zonas como a 9A, respectando as necesidades da frota autorizadas nesas zonas. É dicir, a acumulación de ambas posibilidades de pesca para derivar cotas de abadexo non consumidas noutras zonas.
Alfonso Villares resalta que desde a Administración autonómica se leva tempo traballando nunha proposta que leve a racionalizar a determinación de TAC e cotas sobre especies que poden ser estranguladoras da actividade pesqueira e non teñen perigo real de colapso das poboacións. Así, resaltou que a Xunta presentou informes que testemuñan o impacto económico dos recortes nas capturas doutra especie importante para os intereses galegos como o xurelo que alcanzou os 11 millóns de euros polo que desde Galicia se reclama un análise por zonas da situación do recurso para permitir abrir a pesqueira nalgunhas áreas. Cómpre recordar que o ano pasado consumiuse menos do 60% da cota que se podía pescar por parte da frota galega de artes menores, quedando sen utilizar preto de 33.000 quilos.
Desde a Xunta se critica que se cargue nos axustes constantes á actividade da frota a mellora do estado cos caladoiros comunitarios a pesar dos indicios de sustentabilidade medioambiental que despois non teñen traslado efectivo á propia actividade pesqueira. Tamén se reclama unha revisión da implantación de TAC plurianuais seguindo pautas de equilibrio e non a baixa así como que estas sexan debatidas coas CC.AA. co obxectivo de aportar datos que permitan alzas e novos axustes.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
