O portavoz, Antonio Ameijide, rendeu contas ante os medios de comunicación xunto aos viceportavoces, Demetrio Salgueiro e José Ángel Santos, e máis deputados provinciais acompañados pola presidenta provincial e voceira do PP no Concello de Lugo, Elena Candia
Lugo, 5 de agosto de 2024. A defensa da igualdade de tódolos lucenses e o reparto equitativo de fondos entre tódolos Concellos, a transparencia, o contacto permanente cos veciños e os seus representantes a pé do territorio, o apoio aos sectores estratéxicos e ao desenvolvemento industrial da provincia foron as liñas principais do traballo dos deputados do Grupo Provincial Popular. Así o explicou o portavoz, Antonio Ameijide, facendo balance ante os medios de comunicación xunto aos viceportavoces, Demetrio Salgueiro e José Ángel Santos, máis deputados provinciais e á presidenta do PP da provincia, Elena Candia, para “dar conta do noso traballo como representantes dos lucenses e grupo maioritario na Deputación de Lugo” intentando que sexa “próximo aos nosos veciños e útil para a provincia”.
Para os populares “todas estas cuestións -xunto á prestación de servizos, atender ás súas competencias e ao seu patrimonio e cumprir a lei- deberían ser os principais obxectivos dun goberno provincial”. Pero “o goberno de PSOE e BNG na Deputación de Lugo caracterízase polo sectarismo, a desatención aos veciños e aos bens da propia institución e o ocultismo”.
Os deputados do PP descentralizaron as reunións de traballo para coñecer máis de preto as necesidades de cada comarca e cada concello, escoitaron aos alcaldes que o presidente Tomé non recibe, portavoces, veciños e distintas entidades facendo ducias de miles de quilómetros (unha media de máis 1.000 km por semana), revisaron tamén miles de decretos, expedientes a pesar das trabas burocráticas, acompañaron aos veciños nas súas manifestacións e, incluso, impulsaron a mobilización de alcaldes e portavoces ante a discriminación no Plan Único, agora denominado Plan Deputación, aos Concellos máis pequenos que son aos que debería axudar precisamente a institución provincial.
O Grupo Provincial Popular esgotou o máximo de iniciativas a presentar aos Plenos defendendo propostas en materia de infraestruturas viarias (estatais e provincias) e ferroviarias, en apoio a iniciativas industriais e ao desenvolvemento da provincia, o turismo, o sector primario, para a construción e apertura das residencias de maiores comprometidas, a cooperación cos Concellos, a atención aos animais e a transparencia, como oito eixos principais.
As iniciativas do Grupo Popular aprobadas por unanimidade dirixíanse a: recuperar as achegas de avogados e procuradores de mutualidades ao sistema RETA, reclamar ao Goberno central as obras da A-74 e ao goberno provincial un convenio propio da limpeza. Tamén logrou o PP aprobar co voto a favor do BNG e en contra do PSOE a regularización e ampliación das instalacións da Protectora de Animais de Lugo e a retirada da nova proposta do mapa de concesións estatais de liñas de autobús.
Do total de rogos e preguntas, os deputados provinciais dirixiron no primeiro caso 3 de cada 4 a demandar a mellora da rede viaria provincial ao seu paso por distintos Concellos ante “o total estado de abandono e o perigo que supón para os usuarios” e os restantes á conservación do patrimonio da Deputación ou ao mantemento de espazos verdes. E, no segundo caso, tamén se interesaron por coñecer máis detalles sobre o mantemento de vías provinciais, o abandono de bens e propiedades da Deputación (residencias, polígonos industriais, Pazo Provincial dos Deportes, nave de Begonte…) ou a situación do Consorcio Provincial de Bombeiros.
A DEPUTACIÓN DE LUGO TAMÉN INCUMPRE COA CIDADE
Elena Candia explicou que “o obxectivo do balance do Grupo Provincial Popular é render contas ante os lucenses que nos fixeron forza gañadora, igual que estamos facendo co resto de representantes nas distintas institucións a modo de peche de curso político”.
E, en clave municipal, recordou que aínda que “somos coñecedores que as deputacións teñen que prestar asistencia técnica, económica e xurídica aos pequenos concellos fundamentalmente, cremos que procede facer unha valoración do pouco apoio que que tivo coa cidade de Lugo, probablemente froito da mala relación política entre ambos líderes”.
A Deputación de Lugo abandona o paseo do Rato e do Miño; segue sen solucionar o problema de inseguridade viaria nunha estrada provincial que atravesa o Burgo e que é Camiño de Santiago; así como tamén o incumprimento dun acordo plenario para axudar á protectora, “un tema que é de estrita competencia municipal”.
MALAS PRÁCTICAS DO GOBERNO DE TOMÉ
O portavoz, Antonio Ameijide, ten denunciado ao longo deste ano “as malas prácticas do goberno que preside Tomé”. Algunhas das actuacións de PSOE e BNG que teñen reprobado os populares foron a redución do aforo do salón de plenos para evitar que os veciños da provincia escoiten o seu posicionamento sobre certos temas que lles afectan, a expulsión en diversos plenos dos veciños de Becerreá que reclaman a apertura da residencia de maiores ou os impedimentos constantes ao deputados do Grupo Provincial Popular para acceder a instalacións da Deputación de Lugo, un dereito dos membros da Corporación tal e como lles recordou a Valedora do Pobo.
Ademais, Ameijide lembrou que “destapamos o uso sectario de fondos da Deputación de Lugo en beneficio de afíns”:
-a participación da Deputación de Lugo nun pelotazo inmobiliario cunha achega de 900.000 euros para a compra do castelo de Doiras (Cervantes) a unha Fundación dirixida polo socialista e presidente da Confederación Hidrográfica Miño-Sil
– o intento para dirixir preto doutro millón de euros a outra familia vinculada ao PSOE a través da adxudicación do servizo ‘Coñece a túa provincia’ que “logramos paralizar coas nosas denuncias públicas”
– o reparto a dedo de fondos provinciais con Concellos afíns: durante o 2023 destinaron a través de convenios 15 M€ e na primeira metade do 2024 ata 3,3M€ a concellos gobernados por PSOE e BNG “discriminando á metade dos concellos da provincia”
– a “lectura interesada” da función da Deputación de Lugo de cooperar cos Concellos con menos recursos ao dirixir a Concellos gobernados polo PSOE (Pol, Viveiro…) fondos públicos do ente provincial para tratar de tapar a mala xestión económica dos seus alcaldes.
Os populares tamén sacaron á luz:
– o enchufe de afíns e persoas de máxima confianza do PSOE e do BNG como funcionarios na Deputación de Lugo e nos Concellos gobernados por alcaldes socialistas: Sonia Méndez como xefa do servizo de contratación do ente provincial pasando por riba de funcionarios de carreira con anos de experiencia e o xefe de gabinete como secretario-interventor no Concello de Antas de Ulla. “O goberno provincial de PSOE e BNG estase a converter nunha especie de axencia de colocación de afíns”
– as mentiras de Tomé sobre a venda pública de parcelas do Plan Paradai da que si tiña coñecemento porque, dende que tomou posesión, asinou documentos que o demostran: a débeda de máis de 2,7 M€ figuraba nas contas da liquidación de Suplusa, sendo Pilar García Porto membro da comisión liquidadora, e o propio Tomé asinou a proposta que levou a pleno a aprobación desta liquidación, que votou a favor e na xunta de goberno do 6 maio de 2022 acordouse que a Deputación de Lugo comparecería no recurso contencioso-administrativo presentado polo comprador.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
