Os concelleiros do PP explican que “o edifico municipal se atopa en estado de semiabandono dende que os últimos adxudicatarios cesaron a súa actividade” e “sen visos de proxectos para a súa posta en valor por parte do bipartito municipal”
Viveiro, 1 de agosto de 2024. Os concelleiros do PP apostan por impulsar a rehabilitación do edificio municipal do parque Pernas Peón e o trazado da vía que discorre paralela á praia de Covas.
Así o trasladarán ao vindeiro Pleno no que instarán ao equipo de goberno municipal a realizar o mantemento oportuno e as melloras necesarias para adaptar o edificio do parque Pernas Peón e poder sacalo a licitación más pronto que tarde. Igualmente, propoñen que o goberno do Concello realice os trámites oportunos coa Administración estatal competente para esixirlle a reparación da zona de rodadura ao longo da praia de Covas ata Os Castelos e que dita actuación se contemple nos Presupostos Xerais do Estado para o 2025.
O parque Pernas Peón é unha das paraxes naturais máis características e populares do noso concello que linda ao norte coa praia de Covas, paseo marítimo por medio. É un enclave privilexiado ao aire libre apartado da zona residencial e susceptible de novos usos de carácter lúdico, de lecer, deportivo e de esparexemento en comuñón e respecto co medioambiente.
Este espazo dispón dun edificio municipal, pero “na actualidade atópase en estado de semiabandono desde que os últimos adxudicatarios cesasen na súa actividade” e “sen visos de novos proxectos de goberno que puxesen en valor o potencial da edificación, sen pregos de contratación, investimentos ou obras de reparación, adecuación e conservación á vista”.
ACTUACIÓNS PARA MELLORAR O PARQUE E A CONTORNA
O goberno bipartito PSOE-BNG anunciaba hai uns meses a súa intención de intervir o parque. Concretamente, propoñía a dotación de espazos deportivos con zona de baloncesto e taboleiros de xadrez pintados nas vellas mesas. Pero, “aínda non se materializou e finalmente sacou a licitación un expediente de contratación para a actuación “Apertura do parque Pernas Peón ao litoral”, segundo un proxecto redactado por un enxeñeiro paisaxista, por un importe de 105.000 euros. Esta actuación será sufragada cunha axuda financiada con fondos europeos en réxime de concorrencia non competitiva para actuacións de embelecemento do litoral galego que a Xunta concedeu ao Concello.
Desde o PP cren que “este espazo necesita atención e toda actuación que se desenvolva deberá acompañarse doutras intervencións na contorna que sen dúbida dignificarán o parque e a memoria de quen lle dá nome”, inciden.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
