O Museo Etnográfico fonsagradino será este sábado, 3 de agosto, o escenario da inauguración da mostra, que arrancará cun coloquio aberto á cidadanía e centrado na recuperación das lembranzas orais da guerra e da posguerra na comarca da Montaña
Lugo, 29 de xullo de 2024. O Deputado de Promoción Económica e Social, Pablo Rivera, presentou este luns no Pazo de San Marcos, xunto ao Alcalde da Fonsagrada e tamén Deputado de Medio Ambiente, Carlos López, a mostra Memoria oral na Fonsagrada: as coplas do comandante Moreno. Unha cita que se inaugurará este sábado, 3 de agosto, no Museo Etnográfico fonsagradino cun coloquio aberto á cidadanía e centrado na recuperación das lembranzas orais da guerra e da posguerra na comarca da Montaña.
“Exposicións deste tipo enriquecen e dignifican a nosa historia e a nosa sociedade”, subliñou Pablo Rivera, para quen “nunca está de máis recordar o que sucedeu para evitar que a historia se repita”. Destacou tamén o Deputado a importancia da tradición oral na cultura galega e na cultura da provincia de Lugo e agradeceu ao Alcalde ter pensado na Deputación para axudar coa difusión desta cita. “A historia hai que contala con obxectividade, pero é moi importante que os nosos fillos e os nosos netos saiban o que pasou”, apuntou.
Esta exposición, que poderá desfrutarse desde este sábado e ata o 31 de outubro no Museo Etnográfico da Fonsagrada, recolle o traballo de investigación coordinado pola doutora de Filosofía da Universidade de Oviedo, Noelia Bueno. Un labor que consistiu en xuntar, clasificar e ordenar as testemuñas da veciñanza, transmitidas mediante composicións orais ao longo dos anos, para reconstruír o asasinato dunha tropa de soldados antifranquistas, o Batallón Galicia.
Explicou Bueno durante a presentación que tivo lugar esta mañá que da primeira versión dos versos dedicados á morte do comandante Moreno -que atribúen ao militante de Izquierda Republicana Daniel Álvarez Ferreiro- a xente foi introducindo variacións propias da cultura oral. “Foi unha estratexia cultural para sortear a censura da época”, sinalou esta fonsagradina que iniciou o seu traballo de investigación no ano 2014 e que non dubida en sinalar que o suceso, coñecido como os crimes do Acebo, supuxo un “trauma colectivo” para a comarca.
A inauguración da exposición terá lugar o sábado 3, ás 10.00 horas, cun coloquio que durará ata o mediodía e no que participarán historiadores e expertos, pero que tamén dará voz aos veciños e veciñas da Fonsagrada e das zonas limítrofes para debater sobre o pasado, presente e futuro da memoria oral na fronteira asturgalaica.
Na presentación que tivo lugar en San Marcos participaron tamén o concelleiro fonsagradino Ricardo Parada, e o profesor de xeografía da Universidade de Oviedo Salvador Beato Bergua. A exposición, que organiza a Universidade de Oviedo en colaboración co Concello da Fonsagrada, conta cunha subvención do Ministerio de Memoria Democrática.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
