Ribadeo, 20 de xullo de 2024. Ducias de persoas asistiron esta mañá en Porcillán á sentida homenaxe aos patróns maiores da Confraría de Pescadoras de Ribadeo. Comisión organizadora, Concello e pósito foron os encargados do acto, no que se descubriron un mural pintado por Joseba e unha placa cos nomes de todos os responsables da confraría ribadense.
O primeiro en intervir foi o actual patrón maior, Javier Martínez, que moi emocionado lembrou a tod@s @s seus antecesores: “quero facer un recoñecemento público a todas as persoas que nun momento determinado tiveron a oportunidade de ser patróns maiores polo seu compromiso co sector pesqueiro, polo seu enorme traballo e polo seu bo facer ao longo de todos estes anos”. E tamén aludiu ás compañeiras e aos compañeiros que xa non están “polo seu legado de compañeirismo e amizade”.
Jesús Puelles, membro da comisión organizadora, contou as lembranzas de moitos anos dedicados ao mar así como a relación que mantivo cos patróns maiores e con coñecidos mariñeiros de Ribadeo. Dixo que a fortaleza é a palabra que define ao sector e tivo palabras de lembranza e recoñecemento para as mulleres dos mariñeiros e para as mariscadoras de Ribadeo.
Para o alcalde, Daniel Vega, “é importante que este acto se faga nas festas do Carme. O sector primario tivo momentos grandiosos, agora non tanto, pero sigue representando moito en Ribadeo desde o punto de vista económico, pero quedádevos sobre todo co punto de vista humano e sentimental”.
O rexedor dixo: “é importante o recordo a un sector que foi grande e ten que seguir sendo grande. Sentimento, sector e honra. Iso pode ser a conclusión deste acto. E eu tamén quero recordar a Jesús, a Pedro, a Roberto e a gran Laura, porque cando viñeron ao Concello non viñan pedir, senón que viñeron dicirnos que querían honrar aos patróns maiores, darlles as grazas e recordalos por sempre cunha placa e cun mural e iso emocionoume”. E engadiu: “grazas a todos, o acto de hoxe queda sinalado no calendario, sentídevos orgullosos de pertencer a un pobo grande, que se chama Ribadeo”.
Foron patróns maiores da Confraría de Pescadores de Ribadeo: José Ramos, José López, Antonio Pérez, Secundino Balsa, José Domingo Rajal, Domingo Fernández, Celia Pacio, José Luis García, José Angel Redondo e Javier Martínez, o actual.
Ao acto ambientado por un piano asistiron, entre outros, a directora provincial de Pesca da Xunta, Mariña Gueimunde, as concelleiras de Seguridade, Turismo e Benestar Social, Montse Seijo, Marta Saiz e Elena Sierra, o presidente do Real Club Náutico de Ribadeo, Pablo González, así como familiares e amigos das persoas homenaxeadas.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
