O TXUE determinou que deben considerarse todos os contaminantes nocivos nas autorizacións. Altri só informou de 4 no seu proxecto
Santiago de Compostela, 19 de xullo de 2024. Unha recente sentenza do Tribunal de Xustiza da UE (Gran Sala), do 25 de xuño de 2024, recaída en Procedemento prexudicial formulado por un Tribunal italiano, vén de aclarar o alcanzo e interpretación de certos preceptos da Directiva 2010/75/UE (IPPC), sobre as emisións industriais (prevención e control integrados da contaminación), e entre outras cuestións determinou o seguinte:
“A Directiva 2010/75/UE debe interpretarse no sentido de que, para os efectos de expedir ou revisar unha autorización de explotación dunha instalación ao abeiro da devandita Directiva, a autoridade competente deberá ter en conta, ademais das substancias contaminantes previsibles, á vista da natureza e tipo de actividade industrial de que se trate, todas aquelas que sexan obxecto de emisións cientificamente recoñecidas como nocivas que poidan emitir a instalación, incluídas as xeradas por esa actividade que non fosen avaliadas no procedemento de autorización inicial desa instalación”.
En base a este pronunciamento, a Xunta está obrigada a tomar as previsións pertinentes en relación ás avaliacións previas das repercusións da actividade do complexo industrial de Greenfiber (Altri + Greenalia) na Ulloa, tanto sobre o medio ambiente como sobre saúde humana, e a integrar ditas previsións nos procedementos de expedición dos permisos de explotación. A Adminsitración deberá ter en conta, ademais das substancias contaminantes previsibles en función da natureza e o tipo de actividade industrial de que se trate, “todas as substancias suxeitas a emisións cientificamente recoñecidas como nocivas que poidan ser emitidas pola instalación”.
Altri só informou no seu proxecto de 4 contaminantes atmosféricos das ducias que produce
O proxecto de Altri-Greenfiber, que foi obxecto de información pública e nestes intres está pendente de resolución da AAI (Autorización Ambiental Integrada), do trámite ambiental (DIA) e da solicitude de utilidade pública, só contemplou e cuantificou catro substancias contaminantes a atmosfera (partículas PM10, óxidos de nitróxeno, óxidos de xofre e TRS -compostos reducidos de xofre-). Non cuantificou nin determinou os efectos ambientais e sobre a saúde das partículas finas PM2,5, o dióxido de carbono (CO), monóxido de carbono (CO2), Amoniaco (NH3), compostos orgánicos volátiles distintos do metano (COVNM), óxido nitroso (N2O), dioxinas e furanos (PCDD+PCDF), carbono orgánico total (COT), metano (CH4), mercurio (Hg), cadmio (Cd), zinc (Zn)… Xa que logo, Altri-Greenfiber estaría a incumprir os mandatos da Directiva 2010/75 ao ocultar datos sobre unha morea de contaminantes que emite.
A Xunta debe desestimar o actual proxecto e aplicar a Directiva IPPC de acordo coa interpretación do TXUE
Xa que logo, e en aplicación da interpretación fixada pola sentenza do TXUE, a Xunta debería desestimar a solicitude de AAI (Autorización Ambiental Integrada), a solicitude de utilidade pública, o EIA (Estudo de Impacto Ambiental) e o proxecto presentadas por Altri-Greenfiber. Asemade, e en previsión de novas solicitudes, debería requerir á mercantil para que proceda a determinar “todas aquelas -substancias- que sexan obxecto de emisións científicamente recoñecidas como nocivas que poidan ser emitidas pola instalación, incluídas as xeradas por esa actividade que non fosen avaliadas no procedemento de autorización inicial desa instalación”, así como a someter novamente a trámite de información pública a solicitude de AAI, o EIA, a declaración de utilidade pública e o proxecto.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
