Foz, 1 de xullo de 2024. O alcalde de Foz, Fran Cajoto, e a concelleira de Turismo, Comercio e Sanidade, Kathy Navarro, presentaron este luns na praia da Rapadoira o equipo de salvamento para este verán, que comeza hoxe, 1 de xullo, ás súas funcións.
O Concello de Foz iniciou a tempada estival con 15 profesionais no servizo de salvamento: 1 xefe de socorristas, 9 socorristas titulados -1 máis que no ano 2023- e 5 auxiliares de praias. Todo o persoal de salvamento está integramente financiado polo Concello de Foz, que permanece á espera da resolución da subvención da Xunta de Galicia que permitiría aumentar o número de socorristas contratados.
As praias da Rapadoira e Llas terán servizo de salvamento de luns a domingo, en horarios de 13 a 19 horas entre semana e de 12 a 20 horas as fins de semana. As praias de Areoura, Peizás e Pólas contarán con servizo de socorrismo entre semana de 13 a 19 horas e sábados e domingos de 13 a 20 h, excepto os luns -Areoura e Peizás- e os martes -Pólas- nas que non haberá servizo de salvamento por descanso do persoal. Foz conta este ano 2024 con seis bandeiras azuis. Só se izarán na praia da Rapadoira, que contará cun distintivo correspondente á praia, e outro polo sendeiro azul, dado que co persoal dispoñible non é posible cubrir as esixencias da ADEAC no resto das praias. O alcalde explica: “sempre primamos a seguridade nas praias aos distintivos destaca o alcalde. Por iso facemos un esforzo moi importante por contar con servizo de salvamento no maior número de areais posibles, especialmente nas praias máis concorridas”.
A Concelleira Kathy Navarro destaca a ampla dotación de servizos nas praias de Foz, con servizo de baño adaptado a persoas con minusvalía na praia da Rapadoira: “dispoñemos de cadeira anfibia para o baño, zona de sombra, punto de auga e pasarela ata a area húmida no centro da Rapadoira. Deste xeito aseguramos que calquera persoa poda desfrutar das nosas praias, que ningunha limitación física sexa un impedimento. Preocúpanos a prevención e a saúde, por iso contamos con DESA nas praias de Rapadoira e Llas, as máis concorridas, para atender con urxencia unha posible insuficiencia cardíaca”.
Hoxe, 1 de xullo, ábrense ao público ademais os baños de todas as praias e das áreas recreativas do Bispo Santo e Ponte de Ferro, que terán unha limpeza diaria, a excepción da Rapadoira e Llas, que contarán con dúas limpezas ao día. Ao rematar o verán comezarán as obras para a reforma integral do posto de socorro e dos sete baños da praia da Rapadoira, ao abeiro das subvencións para embelecemento do litoral galego financiadas integramente por fondos Next Generation da Unión Europea.
O Concello de Foz continúa co traballo de desbroce, limpeza e preparación das praias, que rematará nos vindeiros días.
Concelleira e alcalde queren agradecer a todo o persoal o seu esforzo e compromiso, persoal que se incremente nestes meses de verán en 28 persoas, incluíndo salvamento, xardinería, limpeza viaria, recollida de lixo e auxiliares de turismo.
“Seguiremos incrementando o esforzo para manter un Foz cada vez máis coidado e limpo, que é o noso obxectivo. Pedimos tamén a colaboración de todos: usar as papeleiras e os contedores de lixo, non fumar nos espazos prohibidos, recoller as deposicións das mascotas, non depositar enseres na rúa fóra do servizo municipal permiten que Foz luza como merece. Limpar, pero sobre todo non ensuciar”, rematan.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
