A popular, Eugenia Requeijo, condena que “o único que lle interesa ao alcalde é o soldo” como “queda claro co abandono e o deterioro de Muras que, incluso, está perdendo oportunidades como a axuda para o campamento de verán onde o Concello está en lista de espera”
Muras, 22 de xuño de 2024. O Grupo Municipal do Partido Popular vén de rexistrar unha moción para instar ao alcalde de Muras á devolución inmediata de tódalas cantidades de diñeiro indebidamente cobradas do Concello, dende a celebración do pleno ordinario do 27 de decembro de 2023 “cando se debateu e votou o réxime retributivo dos cargos públicos municipais e no que o alcalde propoñía o seu propio soldo”.
O resultado da votación foi de empate -3 votos a favor por parte do BNG, 3 en contra dos concelleiros do Partido Popular e 1 abstención da concelleira do PSOE- sen que se producise a correspondente segunda votación de desempate e se aplicase o criterio legal correspondente -desempata o voto de calidade do alcalde ou alcaldesa-. “Entendemos que dito acordo, da retribución proposta polo alcalde, non foi legalmente aprobada”.
Os populares explican, ademais, que “dous días despois de dita sesión plenaria, o alcalde emitiu un Decreto polo que aprobou, recoñeceu e ordenou o pago das súas propias nóminas, dos anteriores 6 meses, con carácter retroactivo, con fondos municipais”.
Os concelleiros do PP consideran que “ditos cobros son presuntamente ilegais e nulos de pleno dereito, xa que nunca se chegou a aprobar polo Pleno, órgano competente, dita proposta de retribucións”.
Os populares xa advertiran que “o señor Requeijo está a cobrar o seu salario de forma irregular porque no Pleno no que se aprobou a súa dedicación se saltou a lei ao non repetir a votación como corresponde nos casos de empate nas votacións”.
O ÚNICO QUE LLE INTERESA AO ALCALDE É O SEU SOLDO
A voceira popular, Eugenia Requeijo, incide en que “o único que lle interesa ao alcalde é o soldo. Isto queda claro con ver como está Muras: abandonada e deteriorándose. É o caso das estradas, das obras… Pero tamén se pode ver na xestión do goberno local porque perden oportunidades: o Concello de Muras está en lista de espera para percibir unha axuda para o campamento de verán”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
