A xornada comezará ás 18.00 horas e estará amenizada polo concerto de Carolina Rubirosa Trío
Vilalba, 20 de xuño de 2024. O Concello de Vilalba vén de axendar a inauguración das novas piscinas exteriores da área recreativa da Madalena para o vindeiro sábado, 22 de xuño, cunha xornada aberta a todo o público que estará amenizada polo concerto de Carolina Rubirosa Trío.
Logo da apertura das instalacións, o pasado sábado 15 de xuño, a veciñanza puido gozar de 5 días de portas abertas para coñecer todos os detalles das novas piscinas do municipio vilalbés. Non obstante, as condicións meteorolóxicas impediron que os visitantes aproveitaran a súa visita para darse o seu primeiro baño.
Por ese motivo, a alcaldesa de Vilalba, Marta Rouco anunciou que “as xornadas de portas abertas ampliaranse ata o vindeiro sábado, 22 de xuño, incluído; para que, se a meteoroloxía nos acompaña, os vilalbeses e vilalbesas poidan darse o seu primeiro baño nas piscinas”.
Así mesmo, a rexedora quixo “convidar a toda a veciñanza a que se achegue este sábado á inauguración oficial das instalacións, na que ademais contaremos coa marabillosa voz de Carolina Rubirosa, a partir das 18.00 horas”.
Pola súa banda, á inauguración tamén estará convidado o presidente da Deputación de Lugo, José Tomé, como representante da institución cuxa aportación económica foi fundamental para sacar adiante este proxecto. Así mesmo, todas as forzas políticas que conforman a corporación municipal estarán tamén convidadas.
HORARIO PISCINAS
Durante o día de hoxe, xoves 20 de xuño, e de mañá, venres 21, permitirase o acceso ás piscinas de forma libre e gratuíta en horario de 12.00 a 20.00. Pola súa banda, o sábado 22, o acceso tamén será gratuíto de 12.00 a 17.00, cando as instalacións terán que pechar para proceder á montaxe e organización do acto de inauguración. Posteriormente, a partir das 18.00, todos e todas estarán convidados a gozar xunto ás piscinas do concerto de Carolina Rubirosa Trío.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
