Foz, 19 de xuño de 2024. O Concello de Foz levará a pleno o día 27 de xuño a aprobación definitiva e completa do Plan Xeral de Ordenación Municipal.
O alcalde de Foz, Fran Cajoto, lembra que “o 18 de setembro do ano 2018 a Consellería de Medio Ambiente e Ordenación do Territorio da Xunta de Galicia aprobou parcialmente o Plan Xeral de Foz, deixando en suspenso tres zonas: terreos clasificados como urbanos entre a estrada nacional N642 e o ferrocarril, terreos clasificados como solos urbanizables industriais no entorno do parque empresarial de Foz, situado en Fazouro, e os terreos da parroquia de Cordido clasificados como solo de núcleo rural. Esta aprobación parcial provocou un grave prexuízo aos veciños de Cordido, que desde esa data non poden obter licencia para vivendas en ningún terreo da parroquia. Ao derrogar o goberno de Castiñeira as vellas Normas Subsidiarias e suspender a Consellería o Plan Xeral para o solo de núcleo rural nesta parroquia, provocouse unha situación de bloqueo que imposibilita a día de hoxe construír novas vivendas. Castiñeira aprobou o PXOM sen legalizar as captacións e a Xunta de Galicia suspendeu o Plan Xeral na parroquia de Cordido por este motivo. Desde o primeiro minuto que entramos a gobernar estivemos traballando para legalizar a captación diante de Augas de Galicia e conseguir a aprobación definitiva e completa do PXOM, para solventar unha situación de bloqueo que herdamos coa alcaldía”.
En novembro do pasado ano 2023 o Concello de Foz obtivo de Augas de Galicia a ampliación de caudal do río Ouro e en febreiro do presente 2024 ano a legalización da captación de Cordido. O 4 de abril o alcalde de Foz -xunto a técnicos municipais e redactores do PXOM- mantivo unha reunión en Santiago de Compostela coa Directora Xeral de Urbanismo, Encarnación Rivas. “Estoulle moi agradecido por recibirnos con dilixencia e por ser unha verdadeira reunión de traballo, na que se definiron os documentos que había que aportar para desbloquear a situación actual do PXOM.
Estivemos traballando estes dous meses e agora lévase a pleno, co obxectivo claro de que aquel que queira construír unha vivenda en Cordido poida facelo e que non se desaproveite unha oportunidade de xerar emprego no parque empresarial se aparecen inversores para desenrolar o solo urbanizable industrial”, engade Fran Cajoto.
Unha vez aprobado en pleno o documento será remitido á Consellería de Medio Ambiente, Territorio e Vivenda para a súa aprobación definitiva e completa.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
