O Secretario Xeral dos Socialistas critica que agora o PP envíe cartas pedindo medidas que o “propio Goberno de Mariano Rajoy e Ana Pastor paralizou, como fixo cos investimentos do AVE”
Lugo, 13 de xuño de 2024. O Secretario Xeral do PSdeG na provincia e Presidente da Deputación de Lugo, José Tomé Roca, asegurou este xoves que ao PP “debería darlle vergonza falar das infraestruturas en Lugo” porque, “se alguén non fixo absolutamente nada e mesmo atrasou os proxectos, eses foron Mariano Rajoy, Ana Pastor, Alberto Núñez Feijóo e Alfonso Rueda”. “A visita do Ministro de Transportes responde ao firme compromiso que o Goberno de España ten con esta provincia, que investiu máis de 1.000M€ nos últimos anos no noso territorio. Nós somos de políticas de feitos”, afirma.
“Os único responsables de que aínda non chegara a Alta Velocidade a Lugo son algúns dos que agora mandan cartas. Demasiada literatura e moi pouco traballo. Cando o PP gobernaba en Madrid non mandaban misivas a pesar de saber que era a propia Ana Pastor quen metía no caixón o proxecto da intermodal”, lembrou. “Que non se esquezan agora o señor Ameijide e a señora Candia destes datos relevantes nesta historia. Daquela non se acordaron de pedir para a nosa provincia e aparecen agora cunha evidente fuxida cara adiante”, apuntou Tomé Roca.
“O PP pode agora escribir as cartas que queira, pero os veciños e veciñas desta provincia temos memoria. Todos eses deberes son do PP, que cando gobernaba deixou a provincia de Lugo olvidada en infraestruturas. Non fixeron nada”, subliñou José Tomé.
O socialista lembrou que o Goberno central do PP, presidido por Mariano Rajoy e con Ana Pastor como Ministra de Fomento, “paralizou todos os investimentos do AVE e rompeu o contrato da estación intermodal de Lugo, polo que houbo que indemnizar á empresa”. Así o certificou o Tribunal de Cuentas do Estado, “nomeado baixo a presidencia de Rajoy, polo tanto, nada sospeitoso de ser crítico co PP”.
Ademais, recalcou, Feijóo “tivo a desfachatez de prometer hai 15 anos, na campaña electoral das autonómicas de 2009, non só unha conexión de Lugo por alta velocidade, senón facer o AVE a Lugo. Coma sempre, non cumpriu con Lugo”.
Neste sentido, o Secretario Xeral do PSdeG na provincia incidiu en que “fixemos máis os socialistas con Pedro Sánchez polo tren da nosa provincia ca nunca antes, cun investimento histórico en marcha de 546M€ para a mellora e electrificación da vía Lugo-Monforte-Ourense e de máis de 22M€ para a intermodal lucense”.
“Co PSOE, o AVE chegou a Galicia e Alta Velocidade chegará a Lugo. Co PP nunca chegou. Será un Presidente e un Ministro socialista os que cumpran con Lugo”, subliñou o Secretario Xeral do PSdeG na provincia.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
