Burela, 11 de xuño, 2024. Ás 21.00h desta tarde, no pavillón municipal Vista Alegre, de Burela, disputábase o terceiro e partido decisivo da semifinal dos Playoff polo Título de Primeira División Iberdrola, unha vez máis o “Derbi dás Costas”, Pescados Rubén Burela FS – Poio Pescamar FS, cun resultado final 6-1. Encontro decisivo para ambos equipos, ao que asistiron a redor de 900 espectadores, no que a tensión dun derbi se aúna coa tensión dunha última oportunidade, palpable nunha pista na que os dous conxuntos galegos o deron todo de si para levar este pase á final.
Comeza con forza a primeira parte cunha saída de Caridad que salva a situación pero leva a primeira amarela na primeira xogada do partido, con ocasión de gol tras o saque de falta que volve salvar a porteira andaluza. Continúa presionando un Poio cheo de enerxía durante as primeiras xogadas. No minuto 4 outro paradón de Caridad a un saque de falta de Ale de Paz case desde a banda. Dous minutos despois tentábao Cilene que avanza pola banda dereita e atópase soa con Elena que detén o que podería ser o primeiro das locais. Dominio do Poio durante os primeiros 10 minutos nos que o Burela apenas tira a porta en 4 ocasións sen moito perigo. Ocasión de Noelia Montoro no minuto 12 que dispara desde dentro da área pero atópase outra vez con Elena e segundos despois chega o 1-0 cun golazo de Irene Samper dende fóra da área tras un pase diagonal de Emilly dende a banda esquerda. Acéndese o Burela e no 14 Antía tira case á cruceta nunha contra e Emilly volve tentar segundos despois nun disparo frontal antes doutra boa opción para ela e Dany dentro da área sen poder exceder á porteira rival. Case chega o empate no minuto 39 cun disparo de Ale de Paz que case se lle escapa a Caridad pero sae por encima do traveseiro. Chega o descanso con vantaxe para o Pescados Rubén no marcador.
Na segunda parte presiona o Burela como non o fixo na primeira. Tras varias ocasións chega o segundo da man de Dany, ao segundo pau a pase de Irene Samper. Dominio claro do Pescados Rubén Burela FS durante esta segunda parte na que se suceden as ocasións e López-Tulla comeza a apostar polo xogo de 5 con Ale de Paz como porteira-xogadora. Pero chega o terceiro das locais, un gol de Emilly dende dentro da área a pase de Patricia e segundos despois o 4-0, esta vez da Yeclana nun zurdazo con Ale de Paz baixo paus. No minuto 32 as pontevedresas conseguen o primeiro tanto cun remate de Rocío Gómez a pase de Laura Uña nunha xogada de porteira-xogadora e un minuto despois, continuando o Poio coa presión de 5, chega o quinto do conxunto de Julio Delgado cun disparo longo de Cami a potería baleira. Continúan intentándoo as pontevedresas con boas xogadas pero sen conseguir finalizar con éxito. Salva unha ocasión clarísima de Emilly, Elena Aragón desviando o disparo afastado perfecto da máquina brasileira. Continúa a presión de 5 ata o último minuto do partido, no que Antía Perez anota o 6-1 final nun remate a portería baleira.
O próximo sábado 15 as nosas Pícaras enfrontaránse á clásica final, un ano máis, ante o Futsi Atlético Navalcarnero, que venceu hoxe ao Torreblanca Melilla por 4-3 no terceiro encontro de desempate da outra seminifinal. O encontro terá lugar en Vista Alegre no que será un día histórico para o club xa que, ademáis de xogar elas o primiero partido da Final dos Playoff polo Título de 1ª División Iberdrola FS, os seus compañeiros da categoría masculina xogarán o segundo partido da Final dos Playoff de Ascenso a 1ª División de Fútbol Sala. Dous grandísimos equipos nun mesmo club que nos ofrecerán unha tarde de futsal para non olvidar.
O encontro retransmiteuse en streaming a través da canle de Youtube de Sinópsis Vuvuzela.
Ficha Técnica Pescados Rubén Burela FS 6-1 Poio Pescamar FS
Pescados Rubén Burela FS (6): Caridad; Irene Samper, Patricia, Noelia Montoro, Emilly – cinco inicial-, Dany (C), Cilene, Cami, Antía Pérez, Cris Blanco, Aroa, Rafinha, Ana Eliza. Entrenador: Julio Delgado.
Poio Pescamar FS (1): Elena; Ale de Paz, Martita, Rocío Gómez, Laura Uña -cinco inicial-, Elena Aragón, Irene (C), Carla Ayensa, Saki, Lara Balseiro, Sandra Buzón. Entrenador: Luís López-Tulla
Goles: 1-0, min.12: Irene Samper. 2-0, min.25: Dany. 3-0, min.30: Emilly. 4-0, min.31: Patricia. 4-1, min.32: Rocío Gómez. 5-1, min.33: Cami. 6-1, min.40: Antía Pérez.
Árbitros: Francisco Javier Marazuela, Sergio Toral, Pablo Coello, Andrea de Luis.
TA: Caridad, Noelia Montoro, Julio Delgado, Cami, Irene.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
