Mondoñedo, 4 de xuño de 2024. Os Socialistas de Mondoñedo reclamaron ao equipo de Goberno do PP, no pleno ordinario do mes de maio, un plan de limpeza e adecentamento dos espazos verdes, así como de tódolos espazos públicos como parques, paseos ou a Alameda dos Remedios do noso Concello.
Dende o PSdeG de Mondoñedo, “instamos ao equipo de goberno a intensificar as medidas para a adecuación e mellora das zonas verdes, con actuacións de limpeza, conservación e mantemento para que chegue a todos os espazos verdes da cidade”.
Nesta mesma sesión plenaria tamén demandaron unha solución para os rios dos Muíños, xa que cualifican a situación dos mesmos como de “moi lamentable, e dunha deixadez absoluta por parte de tódalas administracións competentes. Están sen vida, sen auga e cheos de maleza. Por iso solicitamos unha vía de solución para poder adecentar este espazo, coa colaboración de todos. A Xunta ten que dar unha resposta clara e comprometida, non podemos quedarnos de brazos cruzados diante deste panorama e deixar morrer aos nosos rios”, advirten os socialistas.
Cemiterio novo con máis vixilancia
Ademais, dende o PSdeG de Mondoñedo reclamaron, “un plan de limpeza urxente do cemiterio novo e con máis vixilancia, antes as queixas que recibimos pola falla de persoal. E que permaneza pechado pola noite”.
Coches sin pasar a ITV
A Agrupación Socialista de Mondoñedo tamén interpelou ao Goberno do PP para coñecer si existen coches en funcionamento do parque móbil do Concello, sin pasar a ITV. A resposta do Alcalde foi: “que eu teña constancia, no”. “Nosoutros temos constancia que actualmente hai coches operativos do parque móbil do Concello sin pasar a ITV”, denuncian dende o PSdeG.
Remate das obras na Casa da Xuventude que leva anos parada
En relación a que data ten prevista o equipo do Goberno para reabrir o ximnasio municipal que estaba ubicado na Casa da Xuventude, e que leva anos paralizado. O equipo de Goberno respondeu que “este ano ira” , pero que non hai unha data concreta. Hai que lembrar que o PP de Mondoñedo está pagando máis de 1.000 euros ao mes a un particular por un local que non reúne as mínimas normas de accesibilidade, e que non conta nin con duchas nin baños adaptados para que sexa utilizado como ximnasio municipal”.
Muro en Carroceira
Os socialistas tamén preguntaron cando vai construír o Concello o muro comprometido aos veciños afectados pola construción do novo vial de Carroceira, ao carón do Campo dos Paxariños. Sinalaron xa que chegaron a un acordos coas familias afectadas, e que o Concello conta cunha partida orzamentaria para a realización deste muro.
Queixas de filtracións na rúa Jose Maria Pardo
Nesta sesión plenaria o PSdeG aludiu ademais a unha queixa, que consta no rexistro no Concello, relacionado cun problema de filtracións de humidades que afecta a unha outra vivenda na rúa Jose Maria Pardo. Hai que lembrar que nesa mesma rúa, outra veciña denunciou esta mesma situación de filtracións, que están sufrindo dende fai máis dun ano, e que achacan á mala canalización das augas e das escorrentias da rúa. “Por todo iso quixemos saber que medidas tomou o Concello de Mondoñedo ante esta nova denuncia?. Segundo explicaron dende o Concello, non lles consta que esta nova filtración nesta nova vivenda sexa por mor das chuvias”.
Situación do proceso de estabilización de emprego do Concello
Os concelleiros do PSdeG tamén se interesaron pola situación do proceso de estabilización de emprego do Concello de Mondoñedo. Indicaron que xa saíron unhas prazas adiante, e agora falta o nomeamento do tribunal e as datas para rematar as que quedan pendentes.
Reunión PEPRICH
Os socialistas tamén solicitaron que os redactores do PEPRICH manteñan uha xuntanza de traballo con entidades e asociacións do concello, para explicar polo miúdo este proxecto, e tamén para escoitar novas propostas. E a maiores, solicitamos unha xuntanza coa veciñanza do Barrio dos Muíños, que está afectada directamente por este plan. E por último, veciños da Pontepousada reclaman un espello para o cruce de saída do vial.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
