Os deputados populares analizaron a Conta Xeral de 2023 que deixa datos moi preocupantes como os mínimos investimentos en mantemento de estradas e para a apertura de residencias
Lugo, 31 de maio de 2024. O Capítulo VI, o referido a investimentos, contempla unha previsión de inversión de 34.527.688,38€ que na realidade quedou en 14.718.413,62€, o 43% do orzamento, o que supón que deixaron sen investir na provincia case 20M€
Antonio Ameijide afirma que José Tomé, o PSOE e o BNG “non xestionan correctamente” os cartos da Deputación que “en lugar de supoñer unha mellora no día a día dos lucenses vemos que non se invisten adecuadamente en materias que se reclaman a diario como o arranxo das estradas provinciais ou a apertura das residencias comprometidas”
O goberno provincial debe ter “máis esmero” nas súas contas xa que hai un desfase entre ingresos e gastos de 586.694,86€, xa que ingresaron 108.985.007,56€ pero gastaron 109.571.702,42€ algo que de momento pode manterse porque “tiran de remanentes de anos anteriores pero que non se pode soster no tempo porque non sempre vai a haber remanentes dos que botar man”
No referente ao mantemento de estradas, PSOE e BNG so executaron o 77,94%: “que o goberno provincial non execute a totalidade do orzamento reservado para o mantemento e conservación dos máis de 4.300 quilómetros de estradas que ten é rirse dos lucenses vendo o mal estado que presentan e o perigosas que son”
Segundo a memoria do orzamento ao analizar a partida de estradas vemos un orzamento de 10.6M€, dos que o 47,63%, polo que os 5M€ restantes demostran “o nulo compromiso” do goberno provincial por manter estas vías de comunicación en bo estado: “66 dos 67 concellos da provincia teñen as estradas nun estado moi deficiente mentres socialistas e nacionalistas destinan os cartos a convenios cos seus amiguetes, o que pon en risco a seguridade de todos os lucenses”
No referente ás residencias, segundo a análise de actividades da memoria, destinaron 9.170.520€ (unicamente o 9,54% do orzamento provincial), unha cantidade na que a metade apórtana os usuarios, 3.8M€, e os concellos, 600.000€, polo que a achega da Deputación redúcese a 4.8M€: “Quéixanse de que gastan moito nas residencias, pero a realidade é que gastan máis do triplo en convenios con concellos amigos para mercar coches e pagar as festas, que nas residencias, un servizo fundamental”
O investimento na construción de novas residencias e melloras das existentes “é mínimo” xa que dos 14.961.937,87€ previstos para este fin unicamente executaron 1.466.312€, o 9,8% do total, “o que evidencia a falta de vontade por solucionar os problemas de mantemento das residencias e por abrir os centros de atención a maiores comprometidos”
O voceiro popular explica que na Conta Xeral de 2023 tamén se reflicte que unicamente se atenderon o 55% das peticións de solicitude de praza en residencias, mentres seguen pendentes as residencias de: Becerreá, Folgoso do Courel, Portomarín, Ferreira de Pantón, Guitiriz, A Pobra do Brollón, A Pontenova, Cervantes e Ourol
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
