A moción foi rexeitada polos votos en contra do PP e a abstención do PSOE
Madrid, 29 de maio de 2024. A senadora do BNG, Carme da Silva, defendeu a oposición á instalación de Altri en Palas de Rei na cámara alta traendo o rexeitamento total das galegas e galegos a este proxecto. Lamentabelmente, a moción non contou co apoio de PP e PSOE que, para a senadora nacionalista, teñen unha postura a favor dos intereses da empresa: actuando o PP mesmo como representante da empresa, e o PSOE como “Google Maps” segundo a distancia en que se atopen de Palas de Rei.
Manuel García Pardo, CEO e propietario de Greenalia, afirmou que “ve a Galiza como unha fonte de recursos a explotar e a espoliar”, comezaba así a intervención da senadora nacionalista en defensa da moción do BNG en contra da implantación da macrocelulosa en Palas de Rei. Unha frase que, segundo explica Carme da Silva, evidencia a visión empresarial que impera no proxecto de macrocelulosa que Altri pretende implantar no “corazón da Galiza”. Compartida, esta visión, por personaxes como Beatriz Mato, exconselleira de Medio Ambiente do PP, que, por “obra e graza das portas xiratorias” é membro do Consello de Administración de Greenalia.
“Con esta visión deixan claro cal quere que sexa o destino social, económico e ambiental da Galiza: espoliar os nosos recursos, empobrecer a sociedade galega e enriquecer uns poucos á conta de negarlle futuro ao pobo galego” sinala. Pola contra e afortunadamente, Carme da Silva sinala que na Galiza “hai unha sociedade forte e viva, digna e orgullosa, que o pasado domingo 26, convocada pola Plataforma Ulloa Viva, demostrou con claridade a súa oposición a este proxecto”.
Unha manifestación masiva, destacou Carme da Silva, convocada polo plataforma Ulloa Viva que desbordou todas as previsións, foi histórica, e onde non só participaron veciños e veciñas da comarca senón foron persoas de toda Galiza. “O rexeitamento social, veciñal, económico, agro gandeiro, pesqueiro e ecoloxista é absoluto a unha planta de celulosa líquida que de seguir adiante terá un impacto enorme e comprometerá o futuro dunha comarca rica no seu patrimonio natural, produtivo, nos seus recurso hídricos e no seu medio ambiente” afirma.
Críticas á posición de PP e PSOE: representante da empresa e Google Maps
Acusou ao PP de “mentir en conivencia coa empresa”. “Intentaron enganar co proxecto e nunca dixeron que se trataba dunha macrocelulosa”. “Tan marabillosa e máxica é a macrocelulosa de Altri que non a queren en Portugal, non a queren en Lisboa. Tan boa é que a rexeita maioritariamente a sociedade galega. 25.000 alegacións presentadas, que a Xunta dixo que llas trasladaría á empresa para a súa análise en lugar de facelo a Consellaría de Economía”, criticou Da Silva.
Deixou claro que “non nos fiamos de vostedes, temos experiencia acumulada de como fan as cousas. Altri é unha decisión política” e “os representantes do PP actúan como comerciais da empresa apoiando o que non se quere noutras partes”.
A senadora do BNG dirixiuse ás bancadas do PP para instalos a rectificar: “están a tempo de rectificar após da masiva manifestación do domingo. Este proxecto non cumpre cos criterios ambientais nin cos criterios para obter fondos europeos”.
Da Silva criticou a “clamorosa ausencia do PSOE na manifestación do domingo en Palas de Rei” e ironizou coa posición cambiante do PSOE: “teñen unha posición que definiríamos de Google Maps, segundo os quilómetros de distancia: en Palas son contrarios á planta, no parlamento galego abstéñense e no Congreso votan en contra da proposta do BNG para que se rexeite.
Ao deputado do PP, o Señor Barreiro, díxolle: “menudo papelón sendo de Lugo vir hoxe defender esta macrocelulosa”. Acusouno de “enganar á sociedade porque vostedes coñecían a realidade do proxecto desde o primeiro momento”, e deixou claro que se trata dunha “bomba ambiental, dun Prestige interior”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
