Os populares pedirán explicacións despois de que “o ministro confirmase que Lugo queda fóra da alta velocidade e do Corredor Atlántico de Mercadorías e que non dixera nada da A-56, A-74 e A-76”
Lugo, 24 de maio de 2024. A presidenta do PP da provincia de Lugo, Elena Candia, e os senadores por Lugo José Manuel Barreiro, José Manuel Balseiro e Juan Serrano, anunciaron en rolda de prensa que pedirán na Cámara Alta a comparecencia do Ministro de Transportes y Movilidad Sostenible, Óscar Puente, para “explicar a situación real” dos compromisos en materia de infraestruturas na provincia de Lugo ante “a falta de compromisos concretos” que supoñen “un agravio para a provincia”.
Barreiro avanzou que pedirán explicacións despois de que “o ministro confirmase durante a visita a Galicia que Lugo queda fóra da alta velocidade e do Corredor Atlántico de Mercadorías e que non dixera nada nin da A-56, nin da A-74 nin da A-76”. A mesma lectura se pode desprender das respostas do Goberno de Sánchez ás preguntas do PP no Senado: “falan de melloras para a modernización da liña do ferrocarril convencional que estenderán a Lugo os beneficios da alta velocidade Madrid-Ourense, pero non responden sobre a duración do traxecto; e tamén evitan dar prazos sobre as obras nas autovías pendentes”.
O lucense, portavoz adxunto do Grupo Popular no Senado, asegura que “o PSOE di unha cousa, pero fai outra: Besteiro e Tomé fan anuncios, pero o Executivo non adquire ningún compromiso concreto por escrito”.
Elena Candia: “As respostas que ofreceron diferentes cargos políticos do PSOE, trala rolda de prensa que tivemos a principios de semana cos compañeiros deputados no Congreso, lonxe de tranquilizarnos e de ofrecernos unha información que reflicta unha implicación ou un liderado político do PSOE na provincia coas infraestruturas para Lugo, déixannos fondamente preocupados”. Así, engadiu: “Vemos como os socialistas seguen a perpetuarse na mentira e priorizando os intereses do PSOE sobre os de Lugo. Continúan poñendo a camiseta do PSOE en vez de vestirse a camiseta de Lugo”, puntualizou.
Precisou que “escollemos este lugar, a Subdelegación do Goberno, porque precisamente foi aquí, o 8 de maio do ano 2018, cando un Ministro do PP presentaba un plan que poñía a Lugo no mapa da alta velocidade. Este é o momento de sumar esforzos e de pelexar para que Lugo deixe de ser a cidade e a provincia peor comunicada de España”.
UNIDADE DE ACCIÓN EN TÓDALAS INSTITUCIÓNS
O Partido Popular ten unha importante representación no Congreso e no Senado e seguiremos promovendo accións para que Lugo non quede illada fronte a outros partidos coma o PSOE que rexeita calquera iniciativa que supoña esixirlle ao Goberno de Sánchez compromisos concretos con Lugo, ou o BNG, que “nin sequera asistiu ao debate do Senado sobre a mellora das infraestruturas na provincia”.
Os populares comprometéronse a “empregar todos os nosos medios e ferramentas para facer escoitar aos lucenses en Madrid”. E, igualmente, “tamén queremos facernos escoitar en Europa”. Así, convidaron aos lucenses a ir a votar o vindeiro 9 de xuño e apoiar a candidatura do Partido Popular ás eleccións europeas, igual que fixeron nas autonómicas, para dar resposta aos desafíos que se presentan con medidas concretas que melloren a vida de todos.
Algunhas das medidas que subliñaron foron a inversión en infraestruturas, a loita contra o reto demográfico, a defensa da igualdade de oportunidades, o dereito dos mozos a unha vida próspera, o acceso á vivenda e a mellora dos servizos sanitarios e das políticas educativas; sen esquecer o apoio a sectores estratéxicos como o agrogandeiro e o do mar, ademais do apoio ao desenvolvemento de proxectos industriais innovadores.
COMPROMISOS CONCRETOS EN MATERIA DE INFRAESTRUTURAS
Os senadores tamén pedirán “actuacións concretas en materia de infraestruturas (viarias e ferroviarias) a través dunha moción, despois de que o PSOE rexeitara incorporalas a través dunha emenda a unha iniciativa dos socialistas “que só recollía xeneralidades”.
O Partido Popular esixirá, en materia de comunicacións ferroviarias, que “Lugo deixe de ser a única provincia galega excluída da alta velocidade” e pedirá “a mellora da liña e o servizo do FEVE, integrar a provincia no Corredor Atlántico de Mercadorías e restablecer servizos e frecuencias eliminados durante a pandemia”.
Así mesmo piden concretar actuacións en materia de comunicacións viarias como a finalización da A-54 neste ano, a reconstrución completa dos viadutos do Castro e a rexeneración da A-6 e das estradas nacionais e recuperar os proxectos das autovías A-56, A-74 e A-76.
Os populares tamén urxen ao Goberno a desbloquear o Porto Seco de Monforte e implantar a gratuidade na AP-9.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
