Nota de Prensa
O PP en Burela: “Zapatero condena a Burela a seguir agardando polo corredor Barreiros-San Cibrao”.
A senadora Mariña Gueimunde afirma que “os retrasos do corredor Barreiros-San Cibrao e na A-8 poñen en perigo a progresión do desenvolvemento de Burela”.
González Barcia afirma que non hai nin un só euro nin para o cuartel nin para a intersección da saída da travesía municipal hacia Cervo.
O PP tén claro que os presupostos de Zapatero para 2011 non son bós nin para a comarca nin para Burela. Así o fixo saber hoxe, mércores, no transcurso dunha rolda de prensa que tivo lugar en Burela, e na que participaron a senadora Mariña Gueimunde e o portavoz do PP de Burela e deputado provincial José María González Barcia, acompañados por outros membros do PP burelés.
Os populares foron contundentes no que se refire ó corredor Barreiros-San Cibrao: “Zapatero condena a Burela a seguir agardando por esta infraestructura, da que ainda non coñecemos nin tan siquera o seu trazado, e eso que se dixo que a estas alturas xa estarían resoltas as alegacións”. Consideran que a contía presupostada, 130.000’00€, non chega nin para pagar o papel e copias da documentación que pode xenerar esta infraestructura.
A senadora Mariña Gueimunde manifestou que “os xa máis que considerables retrasos deste corredor, xunto cos retrasos de certos tramos da A-8, poñen en perigo a progresión do desenvolvemento de Burela, porque segue habendo trabas para a saída do peixe hacia o resto de Galicia e da península, o que implica un encarecemento dos custos e por conseguinte afecta ó prezo do peixe”.
Gueimunde tamén se refireu ós investimentos que fará a Ministerio de Medio Ambiente, Medio Rural y Marino, a través do Servicio Provincial de Costas: “a pretendida praia artificial na zona de O Perdouro non está nos presupostos, e os traballos que se farán serán aqueles referidos co mantemento das infraestructuras competencia de Costas e pouco máis”.
Pola súa banda, o portavoz do GMPP burelés e deputado provincial José María González Barcia indicou que “resulta lamentable que contando cun alcalde socialista Burela non saque nin un só euros dos presupostos xerais de Zapatero para 2011, o que demostra que Llano tén un escaso ou nulo peso político dentro do seu partido, ou ben que faigan con el o que el fai cos veciños, que lle din a todo que sí, e logo non lle atenden ningunha petición e non lle fan nada”.
“Unha obra demandada polos usuarios, da que hai proxecto no Servicio Provincial de Estradas do Goberno Centrola na provincia de Lugo, é a mellora da intersección entre a travesía municipal e a variante en dirección Cervo, zona mui conflictiva e na que xa tén habido accidentes. Pois ben, en tres anos non se moveu nin un só euro, cando, visto o retraso do corredor Barreiros-San Cibrao, é unha obra sumamente importante”, afirmou Barcia.
O portavoz e deputado popular tamén se refireu ó investimento cero no Cuartel da Garda Civil de Burela. “Un ano máis, cero euros para mellorar as condicións de traballo dos profesionais da Garda Civil e as condicións de vida das familias que no mesmo viven. Supoñemos que o alcalde lles daría onte, festividade da patrona da Garda Civil, algunha explicación ó respecto ós membros e mandos do Corpo, aproveitando os pinchos cos que nos agasallaron no propio Cuartel, a pesares da precariedade das instalacións”.
Para Barcia, “o único que apaña Burela nos presupostos de Zapatero para 2011 son os fondos para o edificio de Capitanía, que por non vir tampouco veñen especificados, co que hasta pode ocurrir que se adxudique a obra e non se execute; de feito, do investimento previsto para 2010 non se gastou nin un só euro, e cómpre lembrar que esta obra comenzou o seu proceso co goberno municipal do PP en Burela a principios de 2006; de feito, o convenio entre Portos e Fomento para o uso dos terreos asinouse antes das eleccións municipais de 2007. Como se ve, tampouco desde a alcaldía se axilizou nada neste sentido”.
Tanto Gueimunde coma Barcia consideran que os presupostos do próximo ano elaborados polo goberno de Zapatero non aportan nada novo para Burela. Son uns presupostos que non axudan a potenciar os sectores socioeconômicos do concello e que reflexan o escaso ou nulo peso do alcalde na toma de decisións do partido socialista e a súa escasa ou nula influencia nas administracións gobernadas por socialistas.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
