Ribadeo, 14 de maio de 2024. No pleno ordinario da corporación municipal ribadense que se vai celebrar hoxe, martes, someterase a aprobación unha modificación do Plan Xeral de Ordenación Municipal (PXOM) para a construción do novo centro de saúde. Outros dos asuntos que se abordarán serán a modificación das taxas da Escola Municipal de Música e a creación de aparcadoiros exprés a carón das farmacias da vila.
O alcalde, Dani Vega, explicou: “esta tarde noite vamos celebrar un pleno municipal, no que abordaremos varias cuestións. A primeira delas vai ser a modificación do Plan Xeral de Ordenación Municipal para cambiar a tipificación do solo; hai que facer esa modificación provisional, enviar a documentación á Xunta, que nos responderá, haberá uns días de exposición pública e despois a aprobación definitiva para poder construír o centro de saúde que queremos todos. Dende logo non soamente é ter unha construción senón que hai que dotalo de medios sanitarios, moi importantes e fundamentais”.
Pediatría
O rexedor municipal engadiu: “nestes días que estamos a falar da pediatría evidentemente o goberno municipal manifesta que non está entendendo para nada a situación, estamos moi enfadados e por iso consideramos que a Consellería de Sanidade ten que dar unha resposta moi concreta, que é cubrir a praza de pediatría. Xa sabemos que é moi difícil e complexo, pero nada é imposible e hai que conseguir as cousas e loitar por elas. E dende logo nosoutros dende o goberno non vamos estar calados: o servizo de pediatría de Ribadeo hai que cubrilo. Non pode ser que Ribadeo estea a expensas dunhas baixas e de vacacións e se reduzan eses días de servizo de pediatría. Polo tanto se temos unha pediatra temos que ter o servizo todos os días. E isto é o que dicíamos hai días. Polo tanto a reivindicación segue e non vou parar ata que teñamos o servizo de pediatría todos os días. Iso é importante”.
Dani Vega destacou que “o centro de saúde é algo fundamental. É bo ter un novo centro de saúde para contar con todos os servizos sanitarios nun PAC e polo tanto vai haber servizo do centro de saúde, o PAC, urxencias o 061 e unha zona de aparcamento. E tamén é importante pensar que os centros de saúde hai que telos próximos ás vías de comunicación, para comunicar rapidamente coa autovía e así chegar ao Hospital da Mariña. Polo tanto esta modificación é importantísima para a construción e nestes escasos meses de goberno o que fixemos foi dar pasos axigantados no tema burocrático para poder construír e redactar previamente o proxecto canto antes”.
O alcalde tamén anunciou que se van modificar as taxas da Escola Municipal de Música: “imos regulalas e unhas van baixar e outras vanse igualar, que é o que se nos pedía por parte da Escola de Música, dar unha resposta rápida antes das inscricións e das solicitudes para o novo curso”.
Por outra parte Vega subliñou que “vamos facer unha cousa certamente novedosa, que en moi poucos concellos de Galicia hai, que é dotar de aparcamentos exprés diante das farmacias para poder aparcar, recoller o medicamento e seguir. Polo tanto é outro adianto e outra medida importante”.
Ademais o rexedor municipal contou que nesta sesión tratarase “a aprobación plenaria por parte de todos os grupos da bandeira azul e do escudo. Ribadeo necesitaba unha bandeira, pero a raíz de solicitala a Xunta de Galicia comunicounos que Ribadeo non tiña un escudo aprobado oficialmente. Polo tanto debemos non soamente aprobar a bandeira senón tamén o escudo”.
Para rematar, Dani Vega comentou que “son propostas importantes, dende un punto de vista sanitario, tamén de actividade económica e educativa e ademais apoiar ás farmacias. Polo tanto vamos dando pasiños, pouco a pouco, pero nun traballo con iniciativa, con propostas e así mellorando Ribadeo”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
