A Mariña, 24 de abril de 2024. Hoxe remata a formación en xeoturismo que estivo a impartir a Mancomunidade de Concellos da Mariña ao longo dos últimos meses en diferentes datas. Foi o abeiro do Plan de Sostibilidade Turística.
Na xornada de hoxe, 24 de abril, participaron 15 persoas de diferentes procedencias e perfís. Os participantes chegaron de diversos puntos da Mariña, do resto da provincia, de Galicia e de Asturias. Asistiron técnicos e informadores de Turismo dos concellos, guías e empresas de actividades turísticas.
Ata o salón de conferencias de Burela, que é o lugar no que se impartiron as formacións, achegáronse a presidenta da Mancomunidade, Rocío López, e o concelleiro de Turismo de Burela, Ramiro Fernández, que lles deron a benvida aos asistentes e agradecéronlles o interese e a súa participación neste programa de formación en xeoturismo.
Xa o pasado mes de febreiro tiveron lugar as primeiras xornadas de formación nesta materia para guías e empresas de turismo activo. Foron 21 profesionais os que participaron tanto da comarca da Mariña como do resto de Galicia e de Asturias. As xornadas desenvolvéronse os días 20, 21, 27 e 28 de febreiro no salón de conferencias de Burela.
Novas actividades
Os días 27 e 28 de abril e o 4 de maio seguirá o programa de Xeoturismo con visitas á Cova do Rei Cintolo, a Xove e á Frouxeira.
As prazas para a visita á Cova do Rei Cintolo, que terá lugar este sábado, 27 de abril, ás catro da tarde xa están cubertas. Aínda quedan ocos para as saídas do 28 de abril a Xove, onde os asistentes terán a oportunidade de observar o aspecto das rochas nas profundidades da codia terrestre e gozar de praias rochosas e campos de dunas de grande beleza. E tamén quedan prazas para a xeovisita á Frouxeira, en Foz. Os participantes terán a oportunidade de coñecer os minerais formadores do granito e das súas propiedades e aprenderán a interpretar as pedras, ademais de gozar desde o miradoiro dunha das vistas máis espectaculares da comarca da Mariña.
As persoas interesadas en obter máis información ou para inscribirse nestas actividades poden facelo a través de https://amarinalucense.gal/es/geoturismo
O programa de Xeoturismo enmárcase no Plan de Sostibilidade Turística 2022-2024, que está cofinanciado pola Mancomunidade, a Xunta de Galicia e a Secretaría de Estado de Turismo.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
