Na mesma sesión, o PP modifica o orzamento só tres meses despois de aprobalo. Unha mostra máis da súa improvisación na xestión orzamentaria
Xove, 9 de abril de 2024. No pleno municipal que tivo lugar este luns, o BNG de Xove alzou a voz en favor dunha xestión máis transparente e respectuosa tanto co patrimonio económico como ambiental do municipio. A aprobación dunha nova modificación de crédito por máis de medio millón de euros, tan só tres meses despois da aprobación dos orzamentos anuais, lévaos a cuestionar a planificación do goberno local.
Reparación do mobiliario do parque municipal
Os nacionalistas presentaron tamén un rogo para a reparación e adecuación do mobiliario do parque municipal, un espazo que consideran vital para o disfrute dos máis pequenos do concello e que conta con xogos en mal estado.
Protección da duna de Esteiro
Ademais, realizaron unha serie de preguntas ao executivo local sobre as actuacións que levaron a cabo no areal de Esteiro e da que deron aviso varios particulares. Os nacionalistas mostráronse serios ante unha práctica xa común e repetitiva que consiste en meter maquinaria pesada no areal para a súa limpeza e do que tamén, ao facer estes traballos, estase sacando area da duna na entrada principal á praia. Neste sentido, “sabemos que estas accións son liñas de actuación ideolóxicas de cada goberno, mais tendo en conta que temos no noso concello un sistema dunar protexido, o lóxico sería actuar segundo os procedementos que establecen as diferentes leis e apostar por protexer e consolidar un elemento vivo e cambiante como son as dunas. Só hai que mirar a outros areais do país ou se se quer mirar máis lonxe, a países veciños como Portugal ou Francia” afirmou a voceira nacionalista Pilar Vázquez.
Falta de vontade e ideas nas xestións do areal
Os nacionalistas advirten de que é unha cuestión de vontade; todas as actuacións que se levan a cabo no areal saen adiante porque así o require o mantemento da bandeira azul. De feito, nesta modificación de crédito inclúese tamén unha partida – por se a subvención que solicitaron non chega a tempo- para a implantación dunha cadeira para persoas con mobilidade reducida que lles dea acceso ao areal. Nesta liña incide a voceira que “pese a ser o areal coas condicións máis adversas, inclúena en Esteiro por ser requisito da bandeira azul e omítena nas praias de Lago ou Portocelo que teñen unhas condicións máis óptimas tal e como llo propuxemos no pleno de agosto do ano pasado”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
