Alfonso Villares achegouse á dársena cuxa dragaxe vén de saír a licitación por 677.000 euros e permitirá a extracción de máis de 20.000 metros cúbicos de area na contorna da rampla de varada e na dos peiraos comerciais interiores
Cariño (A Coruña), 8 de abril de 2024. O conselleiro do Mar en funcións, Alfonso Villares, visitou hoxe as instalacións portuarias do concello coruñés de Cariño onde a Xunta, a través de Portos de Galicia, investirá preto de 800.000 euros en distintas obras de mellora ao longo deste ano. Así o anunciou o titular do departamento autonómico acompañado polo presidente de Portos de Galicia, José Antonio Álvarez.
O conselleiro explicou que o ente público vén de sacar a licitación as obras de dragaxe do porto de Cariño con un orzamento base de 677.000 euros. Segundo indicou, os traballos consisten na extracción de máis de 20.000 metros cúbicos de area de dúas zonas do porto: a rampla de varada e a zona dos peiraos de atraque comercial interiores. En concreto dragarase a zona sur do peirao comercial á cota -8, a zona ao longo do peirao pesqueiro, fronte a lonxa, á cota -5 e a zona da rampla de varada á cota -1.
Alfonso Villares subliñou que “as obras permitirán mellorar a operatividade do porto devolvendo o calado necesario para a actividade diaria do sector pesqueiro e o tráfico comercial”. Así mesmo indicou que esta actuación supón a fase 1 dun proxecto plurianual para a realización de dragaxes de mantemento en anos posteriores que se fan necesarias debido á dinámica de sedimentación natural que se produce nas zonas abrigadas do porto de Cariño.
Plans globais
Durante a súa visita ao porto, Alfonso Villares anunciou tamén dúas actuacións previstas para este ano en Cariño incluídas dentro de plans de mellora globais de Portos de Galicia. Así, por un lado, investiranse case 20.000 euros na renovación do firme na glorieta de acceso ao porto e zonas puntuais do interior.
Por outra banda, dentro do proxecto para a renovación das luminarias en preto dunha trintena de portos autonómicos, orzamentado en 3,8 millóns de euros, investiranse 90.000 euros no peirao de Cariño. A actuación consistirá na renovación de 49 luminarias substituíndoas por tecnoloxía LED con sistema de xestión telemática.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
