Os populares lamentan que “os camiños se desfagan en época de chuvias polos arrastres debido á falta de mantemento”
Xermade, 1 de abril de 2024. O PP de Xermade esixe ao goberno local “a correcta limpeza dos camiños e cunetas antes das épocas de choivas para evitar a súa desfeita”. O portavoz, Antonio Riveira, explica que “se se realizan os labores de conservación previos á época de grandes chuvias, a auga podería evacuar e os camiños non sufrirían arrastres que rematan por desfacelos e convertelos en inservibles para os veciños”.
Son moitos os casos de camiños practicamente intransitables nesta época que dificultan o día a día dos gandeiros e gandeiras. “Algúns exemplos das consecuencias da deixadez pódense apreciar na Panda en Piñeiro ou na Pinguela en Roupar”, engade o popular. Pero tamén hai casos nos que os arrastres afectan a outras vías, o que pode resultar perigoso para o tráfico como en Miraz, Casa Grande.
É por iso polo que os populares inciden en “levar a cabo un plan serio de limpeza de camiños para garantir a súa conservación e que estean nas mellores condicións posibles para ser útiles aos veciños e veciñas”.
PONTE AMIL
As obras de instalación de fibra óptica e despois as choivas, danaron a marxe da estrada da Pigaroa a Pastora e Seo, preto da Ponte do Amil, na parroquia de Cazás. Os populares cren que “pode resultar perigosa” e, polo tanto, piden “sinalizar o perigo” e proceder á súa reparación “ou esixirllo á empresa responsable das obras de soterramento da liña, se procede”.
Os concelleiros do PP sinalan tamén que “se debe recuperar o muro que facía de peitoril na beira da Ponte do Amil, xa que unha parte caeu fai tempo”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
