Ademais, na sesión plenaria do mes de marzo, tamén se interesaron por unha multa por exceso de velocidade ao vehículo de protección civil o pasado 5 de decembro de 2023, e que segundo sinalaron desde o goberno municipal “dirixíase a Santiago a unha reunión coa Consellería de Medio Rural”, cando circulada a 73km/h, nun tramo limitado a 50km/h
Mondoñedo, 27 de marzo de 2024. Os Socialistas de Mondoñedo preguntaron ao goberno do PP de Mondoñedo, na pasada sesión plenaria do mes de marzo, sobre a devolución dunha axuda económica de 140.000 euros destinada a realizar melloras no Pavillón Municipal.
Concretamente trátase dunha axuda económica do fondo adicional ao Fondo de Cooperación Local destinada a Concellos con poboación inferior a 15.000 habitantes publicada na Orde do 17 de febreiro de 2023. Segundo se desprende do documento rexistrado no Concello con cruño con data de entrada de 3 de febreiro de 2024 (n.304), e notificado e asinado pola subdirectora xeral de Xestión e Cooperación Económica coas entidades locais o 4 de febreiro de 2024, comunicase ao Concello de Mondoñedo “a perda do dereito a asignación concedida e a obriga da devolución do anticipo percibido”.
Esta axuda económica estaba destinada, segundo consta na convocatoria, a investimentos destinados a mellora de eficiencia enerxética de infraestruturas municipais (Liña 1). A achega total ascendia a 140.000 euros, e agora o Concello de Mondoñedo ten que reintegrar 112.000 euros que percibiron de anticipo, por unha obra que non executou. “É bastante lamentable comprobar como día tras día o PP de Mondoñedo deixa de pasar oportunidades de investimento e de creación de emprego na nosa vila, ademais nunha infraestrutura deportiva tan importante como o Pavillón Municipal, que nestes intres precisa de melloras e arranxos”, denuncian os socialistas de Mondoñedo.
Dende o PSdeG advirten ademais que con cargo a esta mesma Orde do 17 de febreiro de 2023, concretamente na Liña 2 destinada a adquisición de maquinaria municipal, “o Concello tamén ten que devolver outros 11,241,57 euros por non executalos. Este é o panorama que temos na nosa cidade, ninguén xestiona nin se preocupa polos investimentos dos mindonienses”, lamentan os socialistas.
Coche de protección civil
Ademais, nesta mesma sesión plenaria, tamén se interesaron por unha multa por exceso de velocidade ao vehículo de protección civil o pasado 5 de decembro de 2023 ás 11:06 da mañá, e que segundo sinalaron desde o goberno municipal “este vehículo dirixíase a Santiago a unha reunión coa Consellería de Medio Rural”, cando circulada a 73km/h, nun tramo limitado a 50km/h. Preguntando o equipo de Goberno do PP de Mondoñedo por si existe algunha multa máis relacionada con este vehículo pagado con cartos de tódolos mindonienses, contestan que “no”. Pois ben o “Grupo Socialista de Mondoñedo ten coñecemento, como a maioría dos mindonienses, que o pasado 22 de outubro ás 20:38 horas, na estrada LU-160, punto quilométrico 1, dirección Ferreira, este coche era conducido polo Concelleiro de Obras do Concello de Mondoñedo e deu positivo nun control de preventivo de alcoholemia. Nunha primeira proba cunha taxa 0,39 e na segunda con 0,32.Polo que houbo retirarlle o vehículo nese mesmo instante, e trasladalo por outros medios”.
“Unha persoa que cobra un soldo público a fin de mes, e que utiliza un vehículo oficial diariamente pagado tamén con fondos públicos, para realizar todo tipo asuntos, ten que ter polo menos un mínimo de ética e de responsabilidade para exercer de concelleiro. Por iso queremos denunciar este tipo de comportamentos que nos parecen indignos de calquera representante público municipal”, remarcan os socialistas.
Problemas nos nichos do fondo do cemiterio novo
Dende o PSdeG tamén interpelaron ao Goberno do PP para coñecer como se atopa o proceso de estabilización de emprego do Concello, que segundo sinalaron comezara despois de Semana Santa. E tamén trasladamos diversas queixas de propietarios de nichos do cemiterio novo, concretamente os que están no fondo, que denuncian que lles están entrando auga dentro dos nichos. O PP explicou que un problema das terras colindantes ao cemiterio municipal.
Limpeza dos rios de Mondoñedo coa colaboración da veciñanza
No apartado de rogos os socialistas solicitaron o acondicionamento e limpeza urxente dos ríos de Mondoñedo, coa colaboración da veciñanza así como de outras institucións que queiran colaborar. A limpeza e adecentamento do Calexón da Leña (ou barrio xudio), e tamén do cemiterio novo. Demandaron que na medida do posible os vehículos propiedade do Concello de Mondoñedo se garden na nave municipal ou garaxes. E por último un punto de luz en Tronceda, na vivenda de Erundina Candia.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
