Ribadeo, 9 de marzo. Este sábado, 9 de marzo, presentouse no Teatro a iniciativa Move ficha pola igualdade, posta en marcha polo Concello de Ribadeo para loitar contra a fenda de xénero e seguir dando pasos adiante no camiño cara a igualdade. Un lema co que o goberno local quere convidar a toda a sociedade ribadense a formar parte do cambio e construír un vila máis equitativa e equilibrada. A Concellería de Facenda, Cultura, Educación e Igualdade desenvolverá baixo este proxecto accións de sensibilización como campañas a pé de rúa, en redes sociais ou centros educativos, un xogo pedagóxico inspirado na Oca, urnas para a participación cidadá ou obradoiros.
Begoña Sanjurjo, concelleira de Igualdade, explicou que “Move ficha pola igualdade nace co firme propósito de derrubar as barreiras que nos separan da igualdade e de impulsar os comportamentos e feitos que nos achegan a ela. Combater, por unha parte, as discriminacións, a fenda salarial, a violencia de xénero ou reparto desigual das tarefas do fogar, entre outras causas. E fomentar, pola outra, aspectos como a igualdade laboral, o apoderamento feminino ou a corresponsabilidade. Para este propósito, o Concello contará cunha folla ruta e un plan de accións que abordarán por fases os principais retos da igualdade xénero. Un dos eixos deste proxecto é a perseveranza, non se trata dunha campaña puntual, senón dun traballo constante e global de sensibilización, no que sempre se estará concienciando ás persoas ribadenses sobre aspectos fundamentais para a igualdade”.
Este plan de accións de concienciación susténtase na formación, na información e na participación cidadá. Campañas a pé de rúa, en centros educativos e en espazos públicos, obradoiros e dinámicas para diferentes sectores da poboación, especialmente para a mocidade, a colaboración con comercios para dar visibilidade a este proxecto e chegar á cidadanía serán algunhas das accións postas en marcha. O Concello instalará tamén urnas en lugares coma centros educativos e a biblioteca, para que todas as persoas ribadenses poidan deixar as súas propostas, preocupacións ou dúbidas. “A igualdade temos que construíla entre todas e todos: nenas e nenos, mocidade, maiores… Por iso convidamos a toda á xente a que participe nesta iniciativa, queremos escoitarvos”, explicou Sanjurjo.
Un xogo pedagóxico, para aprender e entreterse en grupo ou en familia
A edil ribadense contou que “presentamos tamén un xogo pedagóxico inspirado na Oca que repartiremos entre a veciñanza. Conta con diferentes tipos de celas: unhas visibilizan o labor de mulleres referentes, tanto de Ribadeo como de Galicia, outras destacan datas importantes ou avances históricos para a igualdade, tamén nas hai que dan a coñecer termos fundamentais para a equidade entre homes e mulleres, ou as que mostran accións positivas e negativas nesta materia”.
Na presentación que tivo lugar esta mañá no Teatro ademais de representantes da Corporación Municipal, participaron tamén mulleres de diferentes ámbitos, como o deporte, a cultura, o traballo doméstico, o comercio e a empresa, a educación, a gandeiría ou as forzas de seguridade: Irene (fútbol sala), Elena (paracanoe), Mada (gandeira), Eva (coordinadora de igualdade no CIFP Porta da Auga) Carmen (amas de casa), Manoli (Acisa), Olalla (asociación Catro Canos), Raquel (albanel) e Montse (avogada do CIM).
Unha data simbólica
A concelleira de Igualdade subliñou que “non é casualidade que Move ficha pola Igualdade se presente un 9 de marzo, un día despois do Día da Muller, un día despois de que en vilas e cidades se alzara a voz para reclamar un mundo máis xusto, un día despois de que as redes sociais e periódicos se encheran de mensaxes en favor da equidade entre homes e mulleres. Hoxe, un día despois de que todos os focos estiveran centrados na figura da muller, damos a coñecer esta iniciativa que xorde, precisamente para que ese espírito non se apague nunca, para manter viva esa chama da igualdade, que onte prendiamos, os 365 días do ano”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
