Viveiro, 8 de marzo de 2024. A tenenta de alcaldesa de Viveiro, Míriam Bermúdez, anunciou os resultados da consulta veciñal realizada para definir “os usos e os novos servizos do Parque Pernas Peón”.
A maioría das persoas participantes na enquisa afirmaron visitar o parque ocasionalmente, semanalmente ou varias veces por semana, para realizar actividades como dar un paseo, pasear á súa mascota ou acudir con nenas e nenos á zona de xogos infantil.
Unha maior parte considerou que o espazo pode continuar a ser de uso recreativo e familiar pero tamén pode selo para a práctica deportiva. En todo caso, tamén foi maioritaria a opción de ampliar a zona do parque infantil con prioridade sobre o aumento dos equipamentos deportivos.
Entre as opcións de novos equipamentos deportivos máis demandados polas persoas participantes están un circuito multidisciplinar, un parque de calistenia e unhas canastas.
Tamén é maioritaria a opinión de que se deben talar tanto os eucaliptos do parque como os piñeiros de Monterrey, que provocan a aparición da procesionaria, co conseguinte risco para persoas e mascotas. Apóstase moi maioritariamente por unha repoboación con árbores autóctonas, a pesar do tempo que levaría acometer tales accións.
Tamén se trasladaron peticións como a de pechar a zona dos patos, instalar xogos para nenos e nenas de 12 a 14 anos, plantar máis árbores e flores, abrir o restaurante, máis mantemento ou unha zona cuberta.
Míriam Bermúdez agradeceu á veciñanza a súa participación no proceso, sinalando que “as respostas serán tidas en conta para as futuras actuacións que se levarán a cabo no parque”.
Axiña comezarán así mesmo os primeiros pasos de revitalización do parque cando as condicións meteorolóxicas o permitan, “comezando polo arranxo do firme dos camiños, en terra batida e coa novidade de que irá apelmazada cunha leve forma de cunca, o que favorecerá a evacuación das augas mantendo o firme máis seco e cunha maior durabilidade dos camiños en bo estado”, explicou Bermúdez.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
