O conselleiro de Sanidade en funcións salienta o legado que deixan na sanidade pública galega os 148 profesionais xubilados da provincia
Lugo, 6 de marzo de 2024. O conselleiro de Sanidade en funcións, Julio García Comesaña, participou hoxe na homenaxe a 148 profesionais que se xubilaron no ano 2023 na área sanitaria de Lugo, A Mariña e Monforte de Lemos, nun acto no que estivo acompañado polo xerente da área, Ramón Ares Rico.
No acto celebrado no salón de actos do Hospital Universitario Lucus Augusti, Comesaña lembrou a inauguración do HULA en 2011 na que colaboraron estes traballadores. “O traslado desde o Hospital Xeral-Calde foi un reto inmenso pero tamén un proceso feito de maneira exemplar grazas a implicación de todos os seus profesionais. Podedes sentirvos moi orgullosos”, recoñeceu o titular en funcións da carteira sanitaria. A continuación, lembrou tamén os avances dos hospitais comarcais da Mariña e de Monforte de Lemos, “dous hospitais que non deixan de crecer e de achegar cada vez máis servizos á veciñanza destes distritos”.
No repaso á súa traxectoria profesional, Comesaña destacou que o persoal xubilado “fostes a clave na mellora do noso sistema sanitario e seguirédelo sendo a pesar da vosa xubilación, porque deixades tras de vós un legado imperecedoiro”.
O conselleiro de Sanidade en funcións rematou enumerando grandes melloras en instalacións e equipamento na área sanitaria como o primeiro Centro Integral de Saúde de Galicia (o CIS de Lugo) ou a introdución da cirurxía robótica co robot Da Vinci.
“Todas estas melloras serían en van se non contásemos cun persoal de extraordinaria valía profesional e humana. Todos: facultativos, persoal de enfermaría, auxiliares, celadores, persoal de servizos e xestión, técnicos e todos os demais profesionais que contribuídes ao bo funcionamento do servizo público de saúde”.
Previamente, en representación dos traballadores tomaron a palabra María Coral Elena Guemes Vázquez, médica de familia no centro de saúde de Viveiro, e Víctor Rodríguez Verdes, xefe de cociña no HULA.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
