O Goberno provincial asumiu o pasado mandato o proxecto do parque empresarial, que estaba en mans da extinta SUPLUSA, e na actualidade xa ten completados todos os traballos de urbanización que lle correspondía acometer
Lugo, 1 de marzo de 2024. A Xunta de Goberno aprobou este venres o último paso administrativo para que a Deputación de Lugo poida entregar ao Concello de Cospeito o polígono industrial que construíu a institución provincial cun investimento de 1,3 millóns de euros.
Así o anunciou este venres a Voceira socialista do Goberno, Pilar García Porto, quen lembrou que foi “este Goberno provincial o que no ano 2020 asumiu o proxecto de construción do polígono industrial de Cospeito, que estaba en mans da extinta SUPLUSA”, e a día da hoxe “a Deputación xa ten completados todos os traballos de urbanización que lle correspondía acometer”. As obras consistiron no movemento de terras, instalación das redes de saneamento, pluviais, abastecemento, alumeado público, telecomunicacións, gas, centro de transformación e sinalización do complexo.
Desta forma, a institución cumpriu con todas as obrigas que lle atribúe o convenio de colaboración firmado en xuño de 2005 entre a propia entidade provincial, o Concello e a extinta SUPLUSA para a construción do polígono. Polo tanto, “a Deputación está en condicións de proceder á entrega do parque empresarial ao Concello, de poder iniciar o expediente para a venda das parcelas e de formalizar as reservas de solo existente”, explicou a Voceira socialista.
De feito, a Xunta de Goberno aprobou fixar como data para a sinatura da Acta de Recepción do polígono o vindeiro 8 de marzo. Ademais, acordou comunicar ao propio Concello que debe dar cumprimento ao disposto na cláusula cuarta do convenio de colaboración, que dispón “que lle corresponde á entidade local dotar ao complexo dos servizos necesarios de auga e alcantarillado, con capacidade suficiente para a demanda industrial”, os servizos que faltan para que a infraestrutura poida entrar en servizo, asegurou Pilar García Porto.
A Deputada valorou que “estamos ante unha boa nova para Cospeito e para o seu tecido empresarial, pois poderán contar cun polígono para consolidar ou ampliar as súas instalacións actuais, e tamén para atraer novas actividades empresariais”.
Hortos do Rato
A Xunta de Goberno celebrada este venres acordou ampliar por un período de dous anos as autorizacións de uso dos hortos urbanos do Rato a 21 usuarios e usuarias destes espazos aos que lles remataba a concesión. Actualmente, a Deputación ten “a pleno rendemento” este proxecto, destacou Pilar García Porto, pois están activas as 135 parcelas públicas que pon a disposición da cidadanía na contorna do río Rato de maneira totalmente gratuíta “co obxectivo de fomentar o lecer medioambiental, a agricultura ecolóxica e os hábitos de vida saudables”.
Granxa Gayoso Castro
Así mesmo, a Xunta de Goberno aprobou a licitación dun contrato por un importe de 135.000€ para a prestación de diferentes servizos veterinarios na Granxa Gayoso Castro. Trátase da contratación dun servizo de urxencias 24 horas; de podoloxía; de programas de prevención e tratamento de coxeiras e problemas podais; e dun servizo especializado en reprodución e mellora xenética para o desenvolvemento do control reprodutivo na Granxa. A duración do contrato é de un ano, coa posibilidade de realizar dúas prórrogas anuais máis, sen que se exceda os tres anos no seu conxunto.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
