Viveiro, 1 de marzo, 2024. O Centro Comercial Histórico de Viveiro dá a coñecer, tralo reconto dos votos emitidos a través da APP ViveiroCCH, quen son os gañadores do mes de febreiro do concurso para escoller ó empregado favorito do mes.
Segue este concurso que se iniciou en xaneiro, no que os ganadores foron o equipo Africa Copias e Pedro do Muro Restaurante. Neste mes de Febreiro os contadores puxéronse a cero e os clientes volveron a votar os que para eles son os seus empregados favoritos, tanto de comercio como de hostalaría.
Na categoría de comercio a gañadora do mes de Febreiro foi Ana de Ferretería Luis e na categoría de hostalaría a gañadora foi Amelia da Tortilla Maravilla.
Emitíronse un total de 1003 votos que en total sumaban 4.851 puntos repartidos entre tódolos participantes, resultado que reflexa o gran interese que suscitou esta iniciativa.
A participación neste segundo mes foi de novo moi elevada, e as descargas da App incrementáronse notablemente dende que se puxo en marcha este concurso, polo que a valoración non pode ser mais positiva.
A partir de hoxe mesmo póñense os contadores a cero e a xente xa pode votar de novo para escoller ós empregados/as favoritos do mes de Marzo.
Lembramos que o obxetivo desta campaña consiste en realizar un recoñecemento a tódolos empregados, polo bo facer e pola atención ó público. Sabendo que estar cara ó público moitas veces tórnase complicado, non sempre é doado atender as peticións dos clientes e por iso prémiase tanto a fidelidade dos clientes como o bo desempeño dos empregados.
A forma de participar é moi sinxela, só hai que descargar a App ViveiroCCH onde está habilitada a campaña co nome do Concurso e pódense ver tódalas fotos dos empregados participantes e o negocio onde traballan.
Hai dúas categorías, por un lado comercio e por outro hostalaría. Os clientes poden realizar votacións tanto para comercio como para hostalaría, pero nunca votar 2 veces á mesma persoa.
O último día do mes procederase de novo ó reconto de votacións onde sairán elixidos os empregados gañadores do mes de Marzo, e así ata o mes de abril que dura esta iniciativa.
Unha campaña distinta que busca o recoñecemento e a motivación dos empregados, e que segue a xerar moita expectación entre os clientes.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
