Ribadeo, 27 de febreiro de 2024. A Área de Igualdade do Concello de Ribadeo organiza diversas actividades arredor da conmemoración do día internacional da muller.
A concelleira de Igualdade, Begoña Sanjurjo, indicou que “comezamos o 1 de marzo coa visita de Nary Ly, unha inspiradora sobrevivente dos campos da morte de Camboya. Nary, que é escritora, científica e olímpica compartirá, dentro do Programa O Concello cos coles, cos estudantes de 3º e 4º de Primaria a súa experiencia persoal e o seu novo libro infantil. O 7 de marzo poderemos asistir a unha charla sobre a menopausia, guiada polo xinecólogo Ezequiel Cardoso González, quen nos axudará a comprender mellor este proceso natural e as súas implicacións para a saúde e o benestar das mulleres. Será ás 20:00 horas no Centro Social Comunitario”.
A edil ribadense seguiu a relatar que “o 8 de marzo poderemos ir de excursión ao Balneario de Cuntis, un momento para o autocoidado, o descanso e a conexión entre mulleres. De todos os xeitos vaise realizar outra saída na primavera seguramente ao Balneario de Guitiriz. Ese día o Concello adhírese e chama á participación, como todos os anos, na manifestación feminista do 8M organizada por varios colectivos, con saída do aparcadoiro xunto á rotonda do IES de Ribadeo ás oito da tarde. Pola noite, ao remate da manifestación, deleitarémonos co Concerto das Fillas de Cassandra, ás 21:30 horas no Auditorio Municipal Hernán Naval. Trátase dun grupo musical que combina tradición, feminismo e mitoloxía grega nunha experiencia auditiva única. A entrada custará 5 euros e venderase de forma anticipada ese mesmo venres pola mañá de 10 a 15 horas na Casa de El Viejo Pancho e pola tarde no Auditorio desde as oito e media”.
Sanjurjo explicou que “o 9 de marzo ás 11:00 horas na Praza 8 de Marzo (en caso de choiva no Cine Teatro) lanzaremos o noso proxecto Move Ficha pola Igualdade, unha iniciativa a longo prazo para fomentar a igualdade de xénero de maneira constante (aínda que xa se fai normalmente, trátase de darlle máis visibilidade a este concepto en todo momento e non só en datas simbólicas como o 8 de marzo e o 25 de novembro). Distribuiranse xogos que abordan temas de igualdade, participarán tamén os comercios e está dedicado a toda a poboación ribadense. Buscaremos referentes en Ribadeo que compartiremos a través das redes con vídeos, mostrando os seus logros e contribucións á sociedade. Este programa busca crear conciencia sobre a importancia da igualdade de xénero de maneira permanente. E o 12 de marzo, en colaboración cos colexios locais, celebraremos, dentro do programa O Concello os Coles, unha actividade de narración oral chamada Rapazas de conto, onde os máis novos poderán explorar contos que fomentan a igualdade e a diversidade de xénero”.
A concelleira de Igualdade dixo que “ademais ao longo de este mes anunciaremos que o IV Plan de Igualdade de Ribadeo estará listo para a súa presentación, marcando un fito importante no noso compromiso continuo coa igualdade de xénero”. E engadiu que “desde o 6 de marzo a Escola de Música albergará unha exposición especial baseada no traballo de investigación dunha trombonista, Hanna Nauke. A través da súa propia experiencia, esta trombonista explorou por que é máis predominante a presenza de xénero feminino en instrumentos de corda ou vento-madeira que en vento-metal. A exposición desafiará os roles e estereotipos de xénero”.
Begoña Sanjurjo anima a participar nesta programación: “estendemos unha cálida invitación a toda a poboación de Ribadeo a unirse a estes eventos significativos. A participación activa é fundamental para o éxito destas iniciativas na promoción da igualdade de xénero e o empoderamento das mulleres. Esperámosvos a todas en todas estas actividades. Moitas grazas pola vosa asistencia”.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
