Antonio Ameijide e Carmen José López participaron na xuntanza de hoxe do Consello Provincial de Turismo e denunciaron que “non se nos facilitou ningún tipo de documentación a pesar de que a pedimos ata en dúas ocasións dende hai 11 días”
Lugo, 23 de febreiro de 2024. “A finais de febreiro é cando queren falar da programación turística da provincia. Perderon, como mínimo, dous meses”. Así de contundente se amosou o voceiro provincial popular, Antonio Ameijide, trala celebración da xuntanza do Consello Provincial de Turismo que, unha vez máis, “foi o máis parecido a unha rolda de prensa a porta pechada”.
Nesta xuntanza, ademais de Antonio Ameijide, tamén participou a vicevoceira Carmen José López.
Ambos denunciaron “as trabas e nula transparencia” do equipo de goberno liderado por José Tomé por “negarse a facilitar a documentación desta xuntanza”. Antonio Ameijide refírese a que se solicitou “en dúas ocasións” a documentación referente ao único punto da orde do día. “A segunda das solicitudes a realizamos por correo electrónico o 12 de febreiro e non tivemos resposta ata unha semana despois (o 19 de febreiro) coa única resposta de que ese punto é un avance informativo das actividades para o presente ano”, lamentou.
Deste xeito, ningún dos membros deste Consello Provincial de Turismo pode preparar a xuntanza “xa que non sabemos que se vai a falar ou que asuntos se van a abordar”.
“A total falta de José Tomé á fronte do Consello Provincial de Turismo é un verdadeiro desprezo ao traballo de todas as asociacións e colectivos que traballan en prol do turismo na provincia”, sinalou.
FUNCIONAMENTO DO CONSELLO PROVINCIAL DE TURISMO
O Consello Provincial de Turismo debe ser un órgano con contidos, no que se proporcione documentación aos asistentes e no que se tomen decisións polo ben da promoción da provincia de Lugo “en lugar de ser un ente no que unicamente se promociona a figura de José Tomé e os seus escollidos do PSOE”.
Antonio Ameijide pregunta “que sentido ten convocar este órgano se non se emprega adecuadamente”, unha pregunta que apoia en que no regulamento do Consello Provincial de Turismo se estipula que a Deputación debe realizar a difusión e promoción turística da provincia, “e non o están a facer”. “Estamos fartos da promoción da imaxe de Tomé e dos mítines políticos que fan neste órgano”, finalizou.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
