As solicitudes para eventos durante todo o ano terán que presentarse ao longo deste mes de febreiro
Viveiro, 1 de febreiro de 2024. O Concello de Viveiro vén de implementar un formulario co que busca simplificar a solicitude de uso de locais municipais e o préstamo de materiais. O obxectivo é facer máis eficiente e coordinado o reparto para tódalas actividades previstas para o 2024.
As entidades e asociacións deberán entregar o formulario, dispoñible no rexistro municipal e na sede electrónica do Concello de Viveiro, ao longo deste mes de febreiro.
As actividades xa solicitadas para febreiro e marzo resolveranse co sistema anterior, pero quen pedira algún préstamo ou cesión de materiais e locais municipais para o mes de abril e posteriores terá que volver facelo a través do novo formulario.
Unha vez recollidas as solicitudes a través deste formulario durante o mes de febreiro, o Concello de Viveiro fará un reparto equitativo dos materiais e locais solicitados. De non ser posible, atenderanse por orde de presentación as peticións recibidas dentro do prazo establecido.
As solicitudes que se presenten despois deste prazo, sempre dúas semanas antes da celebración do evento, só poderán optar ao préstamo do material dispoñible.
O formulario inclúe un inventario con tódolos espazos que se poden solicitar, como a Sala Multiusos do Concello, a Sala do Conservatorio, a Sala da Biblioteca Municipal ou os distintos centros sociais; e os materiais, como cadeiras, taboleiros, tarimas ou un equipo de megafonía portátil, entre outros.
O Concello de Viveiro tamén precisa que o material prestado recollerase o luns anterior ó evento de 10:00 a 12:00 horas e devolverase o luns posterior de 08:00 a 10:00 horas. Pola súa banda, as chaves das instalacións municipais cedidas recolleranse no despacho de Secretaría de Alcaldía o último día hábil anterior ó evento e devolveranse despois do mesmo.
Para calquera dúbida ou aclaración sobre este novo sistema de solicitude, as persoas interesadas poden consultar á Secretaría de Alcaldía chamando ao teléfono 982560128 ou a través do enderezo electrónico nmd.secretaria@viveiro.es.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
