Os populares propoñen priorizar a empresas locais nos contratos menores, crear un inventario de fontes municipais cun plan de mantemento e control sanitario e incluír Burela na rede de transparencia da FEGAMP
Burela, 31 de xaneiro de 2024. Os concelleiros do PP de Burela demostran o seu interese por traballar e cumprir cos veciños da vila sendo o grupo da corporación que “máis propostas leva ao pleno deste xoves, incluso máis que o propio goberno bipartito. É inaudito, pero non é de estrañar tendo en conta o proceder do goberno PSOE-BNG no último medio ano, tempo no que viamos que o seu traballo ía decaendo”.
Unha das iniciativas do PP vai encamiñada a priorizar a empresas locais nos contratos menores co Concello. “É algo que non se está a facer en Burela, xa que detectamos que se están contratando empresas doutras zonas cando hai empresarios na nosa vila que teñen a cualificación para prestar determinados servizos que demanda o Concello”.
Outra das propostas que defenderán os populares é “a creación dun inventario da fontes municipais e un plan de mantemento e control sanitario das mesmas”. E, por outra banda, propoñen “incluír a Burela na rede de transparencia da Federación Galega de Municipios e Provincias (FEGAMP). É algo de obrigado cumprimento, pero que o goberno local non está a facer demostrando o seu pouco interese pola transparencia”.
Neste clima preelectoral, o Grupo Municipal Popular de Burela volve demostrar que “seguimos a preocuparnos pola veciñanza da nosa vila. A diferencia das outras formacións políticas que están máis preocupadas por facer campaña que pola gobernanza no noso Concello”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
