A número 3 da candidatura socialista ás autonómicas pola provincia subliñou que a visita de hoxe a Ribadeo “é a mostra de como actúa o PP, da súa inacción, incompetencia e soberbia ante a crise ambiental e ante calquera problema. Rueda esconde a cabeza e culpa aos demais”
A Mariña, 20 de xaneiro de 2024. A candidata número 3 por Lugo ao Parlamento de Galicia, Mayra García Bermúdez, criticou a visita electoralista que fixo Rueda a Ribadeo este sábado. “Pasou máis dun mes desde que a Xunta de Galicia tivo constancia de que os pellets de plástico chegaban ás nosas costas e non se preocupou en como estabamos na Mariña, nin chamou nin veu, e chega hoxe para facer unha foto de propaganda nunha foodtruck, como se o problema non existise”, incidiu a socialista.
“Máis dun mes no que Rueda non se preocupou de vir á Mariña para ver como afectaba a crise ambiental ás nosas praias, no que non chamou aos alcaldes e alcaldesas, no que cargou aos concellos coa responsabilidade de limpar os plásticos sen aportar medios nin orzamento”, incidiu Mayra García Bermúdez.
“Un mes de total e absoluto abandono. E hoxe encontrámonos con que o señor Rueda vén á nosa comarca, reunirse cun Alcalde do PP para sacar unha foto de propaganda”, indica a socialista ante a visita deste sábado.
“A Xunta do PP: inacción, incompetencia e soberbia”
García Bermúdez explica que a visita de hoxe é unha mostra máis de como actúa a Xunta do Partido Popular. “A mostra da inacción, da incompetencia e da soberbia ante esta crise, pero tamén ante a da Covid, cando nos deixou totalmente sós aos concellos, ante a situación de Alcoa e e ante calquera problema. Rueda esconde a cabeza e culpa aos demais”, asevera García Bermúdez, quen viviu en primeira persoa como Alcaldesa de Trabada os desprezos de Rueda a esta comarca.
“Os mariñáns e mariñás, e todos os galegos e galegas estamos perdendo oportunidades. Primeiro Feijóo e logo Rueda, os dous lastraron á Mariña nestes 15 anos. Pararon infraestruturas fundamentais, como é a VAC Costa Norte e desmantelaron a sanidade pública”.
O impulso de Besteiro
Mayra García Bermúdez subliñou que Galicia “necesita o liderado, as ideas e as respostas que ofrecemos os socialistas con José Ramón Gómez Besteiro. Non podemos perder máis tempo coa inercia de Rueda. Necesitamos o impulso de Besteiro”.
De feito, concretou que o candidato socialista á Presidencia da Xunta xa presentou un plan de acción para potenciar o consumo do peixe galego, que sufriu unha caída de consumo dun 32% na última década. Así mesmo, comprometeuse a establecer medidas como a introdución de peixe tres veces á semana nos comedores escolares, hospitais e centros de maiores que dependen da Xunta; e avanzou que impulsará o consumo e as accións educativas, priorizando aos mozos e mozas na promoción do consumo de peixe.
“A Xunta deixou sen executar o 51% do fondo europeo para a Pesca (FEMP), perdendo unha importante oportunidade para a modernización do sector pesqueiro. Un exemplo claro da mala xestión do PP na Xunta nos últimos dez anos”, indicou García Bermúdez, poñendo outro exemplo da mala xestión do Goberno que encabeza Alfonso Rueda.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
