Viveiro, 27 de decembro, 2023. Eduardo de Martís presenta o seu primeiro libro fotográfico Galicia Latente o vindeiro venres, 29 de decembro ás 20:0h no Conservatorio de Música de Viveiro, baixo a organización de África Copias e coa colaboración especial de Prato-Do.
Alí, o autor estará acompañado de persoas que son motores da nosa cultura local: David Bellas (gaiteiro e profesor do Conservatorio de Viveiro), Maricarmen Chipe (Presidenta da Asociación Cultural Bágoas da Terra), Bernado Penabade (profesor e promotor de Proxectoneo) e Capitán Pino (Capitán de pesca).
O acto comezará cunha exposición das imaxes máis icónicas do libro e continuará coa presentación do traballo ó son da gaita de David Bellas. Trala intervención do propio autor e do resto de convidados, haberá un tempo de coloquio e a posterior sinatura de libros.
Galicia Latente recolle máis de 233 fotografías introducidas por un texto do antropólogo Rafael Quintía e un pequeno prólogo do propio autor. Para construír este retrato da Galiza actual e de vangarda, Eduardo de Martís percorreu máis de 140 puntos da xeografía galega durante os últimos tres anos, dende O Courel ata Vigo, dende Muxía ata Viana do Bolo, en conversa coa xente para construír a nosa historia e dar a coñecer o noso potencial como pobo.
Unha Galiza diversa
Galicia Latente trátase dun traballo de corte etnográfico que, en palabras do seu autor, busca dar testemuña dunha “xanela aberta a unha Galiza diversa, moderna, e con potencial de futuro”, lonxe de tópicos e estereotipacións que ás veces a reducen a unha foto fixa das tradicións.
Así, Galicia Latente conta un relato novo e único dos retos e oportunidades da cultura galega, da man de persoas anónimas -un grupo de mocidade xogando á baralla, unha veciña escocesa afincada na Coruña e neofalante, as vendedoras de grelos na estrada N- 550…-, e tamén da man doutras máis coñecidas, como Elena Ferro, renovadora dos zocos tradicionais, as compoñentes dos grupos Fillas de Cassandra ou Tanxugueiras, o poeta Ismael Ramos ou a chef Lucía Freitas. Todas elas son, explica o autor, “latexos culturais emerxentes”.
Pódese dicir que o fío que une a meirande parte das fotografías deste libro é a innovación desde a tradición. “Cada páxina vai creando unha radiografía sobre cada un de nós. Son realidades que temos ao noso carón, que nos desafían, que nos alentan, e que nos abocan a enfrontar o noso porvir (individual e colectivo). Neste xogo só podemos atinar ou errar. Ter unha identidade propia ou ser quen nos digan ser”, expresa o autor. Nesta viaxe, Eduardo de Martís proponnos parar, baixar do mare mágnum e ollar o latexo da Galiza diversa que habitamos.
Eduardo de Martís
Eduardo de Martís (A Catuxa – Arteixo, 1974) é un fotógrafo documental con máis de 18 anos de experiencia. O proxecto Galicia Latente naceu no seu maxín xa no ano 2005, e saíu á luz por primeira vez no 2009 cunha exposición fotográfica no Trocadero, en París, e outra no Parlamento Europeo un ano máis tarde. Trátase dun proxecto feito a lume manso que agora comeza unha nova singradura a través deste libro, ao observar o autor toda unha revolución cultural en Galiza que sentía a necesidade de retratar. Outros dos seus proxectos son: Ideoloxía do espazo, Fisterra 2006, Conciencia consciencia ou Vectores.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
