“Os socialistas somos os únicos que conseguimos resultados para Galicia”, sinala o deputado por Lugo
Foz, 25 de decembro de 2023. José Ramón Gómez Besteiro, presidente da Comisión de Transportes e Mobilidade no Congreso e candidato socialista á Presidencia da Xunta, anunciou que este martes, 26 de xaneiro, reabrirá ao tráfico a estrada N-642 no acceso a Burela dende Foz. Unha obra complexa que precisou dun traballo continuo por parte dos operarios -traballaron mesmo na fin de semana e en horarios nocturnos nas derradeiras semanas- para rematar o antes posible.
Besteiro subliñou “o compromiso do goberno socialista con esta obra. Investimos 2,57 millóns de euros de forma urxente para reparar a importante focha e o derrubamento provocado polas intensas choivas do mes de xaneiro no punto quilométrico 42, á altura de Areoura”. O derrubamento foi tal que comprometía a seguridade dos condutores.
O deputado por Lugo destacou que “esta é a principal vía de comunicación da Mariña e o seu peche causou grandes trastornos” polo que agradeceu ao Goberno de Pedro Sánchez o remate dunhas obras que foron complexas.
A actuación implicou a reposición da drenaxe lonxitudinal de todo o treito afectado en Areoura (Foz), a reparación da focha que orixinou a greta e a restitución do desmonte necesario para acometer as obras. “Foi unha obra complicada, pero unha vez máis, os socialistas asumimos as nosas responsabilidades e cumprimos coa palabra dada” dixo.
O deputado socialista por Lugo calculou en “máis de 20.000 os desprazamentos diarios que se realizan por esta estrada” que agora se reabre ao tráfico “unha cifra que pode chegar a triplicarse no verán”.
Colaboración institucional fronte á confrontación
Besteiro puxo en valor que os socialistas colaboran coas institucións fronte á constante confrontación de Rueda, unha política “pouco intelixente que provoca unha perda de oportunidades para o noso país. Galicia non medra como o resto de España”.
Nesta liña, salientou que “os socialistas somos os únicos que conseguimos resultados para Galicia”. Recordou que neste mes de decembro fíxose o último vano do viaduto do Pambre en Palas de Rei (A-54, Lugo); abriuse o paso soterrado de Oleiros coñecido como “Sol y Mar”; abrirase o carril en sentido A Coruña da A-6 en Becerreá despois de arranxar o talude; e da calzada da A-6 en dirección a Madrid -mentres que continúan as obras no viaduto en dirección á Coruña-; entre outras obras. Investimentos que se achegan aos 300 millóns de euros, só nestas infraestruturas.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
