Trátase da Federación de Asociacións de Veciños da Provincia Lucus Augusti, e das asociacións de Mulleres Rurais Olvido de Pol, Morcegos de Galicia, Cultural Deportiva Lecer de Gamelle, e a Provincial Lucense de Apicultores
Lugo, 19 de decembro de 2023. O Deputado de Promoción Económica e Social, Pablo Rivera, presidiu este martes no Salón de Actos do Pazo de San Marcos os órganos reitor e participativo da Reserva da Biosfera Terras do Miño, xestionada pola institución provincial. Ao igual que na reunión celebrada onte en Cervantes sobre a Reserva da Biosfera dos Ancares Lucenses, o encontro serviu para facer balance das correspondentes actividades realizadas neste ano 2023 e abordar os proxectos de cara o futuro que se van impulsar concretamente para este espazo protexido pola UNESCO.
Nesta reunión, Pablo Rivera, que estivo acompañado polos deputados de Medio Ambiente, Carlos López, e de Formación, Ensino e Economía do Coñecemento, Miguel Fernández, así como de técnicos provincias, anunciou a incorporación de 5 novos membros nos órganos participativos da Reserva. Aceptáronse as solicitudes de ingreso das entidades aprobadas polo órgano reitor: a Federación de Asociacións de Veciños da Provincia Lucus Augusti; a Asociación de Mulleres Rurais Olvido de Pol; a Asociación Morcegos de Galicia; a Asociación Cultural Deportiva Lecer de Gamelle; e a Asociación Provincial Lucense de Apicultores.
Así mesmo, o Deputado informou ao órgano participativo de Terras do Miño da proposta inicial do novo Plan de Xestión da Reserva para o período 2024-2034, que foi aprobado posteriormente polo órgano reitor. Este Plan determinará as actuacións prioritarias nas que este espazo natural centrará o seu traballo durante os próximos 10 anos, e contará cun orzamento de fondos propios da Deputación dun total de 1,3M€ para o período de vixencia.
Do mesmo xeito que ocorreu na sesión de Cervantes, o Deputado o investigador do IBADER e redactor do Plan, Javier Ferreiro, expuxo as liñas estratéxicas do documento para o desenvolvemento sostible da Reserva, sendo o instrumento básico para a xestión e planificación deste espazo, e estratexias prioritarias de actuación para o cumprimento dos obxectivos da Reserva.
Procedemento de participación pública do plan
O procedemento de participación pública do Plan abrirá o prazo o vindeiro 22 de decembro trala súa publicación no Boletín Oficial da Provincia (BOP).
Durante dous meses, os interesados poderán examinar o documento na páxina web da Deputación de Lugo e na Secretaría da entidade, e presentar as reclamacións e suxestións que estimen oportunas. Durante o primeiro trimestre do 2024 convocaranse mesas sectoriais, centradas na conservación do medio ambiente e no desenvolvemento socioeconómico da Reserva, ás que poderán asistir os membros do Órgano de Participación, así como outras entidades territoriais representativas.
60 accións de impulso á Reserva
Na reunión celebradas ao longo da xornada de hoxe tamén se aprobou a memoria das actividades realizadas ao longo deste ano 2023, que foron preto de 60.
Algunhas das accións a destacar son, por exemplo, o programa trimestral de actividades de educación e divulgación ambiental no Centro de Interpretación Terras do Miño e as visitas dos escolares; as actividades celebradas na Casa das Ínsuas de Rábade; colaboracións co Programa Coñece a túa provincia, con asociacións e colectivos lucenses, co centro Asociado da UNED, en publicacións do libro Árbores senlleiras da provincia e a Guía micolóxica básica da provincia de Lugo; ou a presenza en eventos como Xantar 2023 e no II Congreso da Rede IberoMaB, celebrado en Copán (Honduras). Como novidade este ano, a memoria de actividades 2023 estará dispoñible, xunto coas de anualidades anteriores, na páxina web da Reserva: www.terrasdomino.deputacionlugo.org
Por outra banda, na reunión tamén se aprobou a nova programación de actividades na Reserva da Biosfera dirixida a todos os públicos para o ano 2024. O prazo abriuse o pasado 21 de novembro, e recibíronse un total de 10 propostas de concellos, entidades e asociacións da Reserva para desenvolver accións nos concellos de Xermade, Pol, Alfoz, Ourol, Outeiro de Rei, Guitiriz, Lugo, Castro de Rei, O Valadouro e Mondoñedo.
Liña de subvencións e fondos europeos
Tamén se deu conta da liña de axudas de concorrencia competitiva por importe de 110.000€ que ofreceu a Deputación ás entidades sen ánimo de lucro para o desenvolvemento de proxectos de posta en valor do patrimonio natural, cultural e paisaxístico das reservas Terras do Miño e Os Ancares Lucenses e Montes de Cervantes, Navia e Becerreá. Pablo Rivera avanzou que o ano que vén a institución provincial ten previsto aprobar unha nova convocatoria destas subvencións.
Así mesmo, o Deputado informou dos proxectos acometidos grazas ao millón de euros de fondos da Unión Europea que conseguiu a Deputación para Terras do Miño e Os Ancares Lucenses.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
