Lugo, 5 de decembro de 2023. A deputada de Cultura, Iria Castro, anunciou unha nova edición do programa de visitas da Apalpadora a 25 asociacións da provincia que puxo en marcha a Vicepresidencia da Deputación de Lugo. Este proxecto naceu co obxectivo de promover a presenza de tradicións propias na representación do Nadal e ofrecer a nenas e nenos unha proposta de lecer en galego nestas datas.
A Apalpadora acompañou á deputada na presentación desta actividade que comeza este domingo, 10 de decembro, no Vicedo, e rematará o 30 de decembro tras pasar polos concellos de Viveiro, Pol, Foz, Guitiriz, Cospeito, Lugo, Vilalba, Samos, Monterroso, O Saviñao, Mondoñedo, Castro de Rei, Cervantes, Láncara, Castroverde, A Pontenova, Riotorto e Castro de Rei.
A narradora Antía Vázquez, acompañada polo músico André Espiñeira, será a encargada de presentar ás crianzas esta personaxe, un carboeiro de barba vermella que baixaba das montañas ás vilas a noite do 24 ou o 31 de decembro para tocar o ventre das crianzas e comprobar se comeran suficiente durante o ano, deixando ao seu carón agasallos e castañas e desexos de felicidade e comida.
A súa historia transmitiuse a través da tradición, especialmente na zona do Courel e do oriente ourensán. Na última década, asociacións e colectivos culturais de distintos puntos de tomaron a iniciativa para recuperar este personaxe e as lendas e ritos que a rodean.
Iria Castro destacou que se trata dun calendario de visitas que nace “co obxectivo de achegar a nenos e nenas esta figura do Nadal galego e a súa historia” e valorou “a oportunidade que esta personaxe ofrece para reivindicar as nosas tradicións e tamén valores ligados ao coidado do territorio”.
O espectáculo
A filla do coñecido Apalpador toma o relevo do seu pai e baixa das montañas para encontrarse coas crianzas da provincia nun formato de contacontos musicado e interactivo onde se mesturan cantigas, lendas e dinámicas.
Estará acompañada polo seu irmán músico André, para mergullarse con cancións da súa misteriosa historia. Ademais, levará froitos que recolle durante todo o ano e agasallos fabricados por ela mesma para entregar aos nenos e nenas neste Nadal.
Calendario
Domingo, 10 de decembro
O VICEDO
AA.VV. San Román do Vicedo: Casa da Cultura do Vicedo ás 17 horas
AA.VV. O San Miguel: Local Social da asociación ás 18:30 horas
Luns, 11 de decembro
VIVEIRO
EEI San Roque: Biblioteca do centro
POL
ANPA CEIP Rosalía de Castro: Instalacións do centro
Xoves, 14 de decembro
FOZ
CEIP Fondo Nois: Ximnasio do centro
Luns, 18 de decembro
COSPEITO
CPI Plurilingüe Virxe do Monte: Ximnasio do centro
LUGO
ANPA CEIP Illa Verde: Auditorio Gustavo Freire ás 18 horas
Martes, 19 de decembro
VILALBA
CEIP Terra Chá: Aula Multiusos
Xoves, 21 de decembro
SAMOS
CEIP de Samos: Comedor Escolar
Venres, 22 de decembro
MONTERROSO
Asociación Cultural Falcatrueiros: Centro Sociocultural ás 17 horas
Sábado, 23 de decembro
O SAVIÑAO
Asociación Lavandeira: Local Social de Currelos ás 16:30 horas
COSPEITO
Asociación Cultural A quilino Iguesia Alvariño: Casa da Cultura de Muimenta ás 19:30 horas
Domingo, 24 de decembro
VIVEIRO
Asociación Cultural Pro: Praza Maior ás 12:30 horas
MONDOÑEDO
Asociación Cultural O Pasatempo: Auditorio ás 17 horas
Luns, 25 de decembro
CASTRO DE REI
Asociación San Martiño de Goberno: Escola de Goberno ás 17 horas
GUITIRIZ
AA.VV. Os Vilares: Escola Habanera da Conchada ás 19:30 horas
Martes, 26 de decembro
CERVANTES
ANPA CPI de Cervantes: Instalacións do centro ás 12 horas
LÁNCARA
Asociación Cultural Val de Láncara: Antiga Escola ás 17 horas
CASTROVERDE
ANPA CPI de Castroverde: Instalacións do centro ás 19:30 horas
Venres, 29 de decembro
A PONTENOVA
Eco das Minas (A Chocolateira): Salón de Actos da Casa da Cultura ás 12 horas
RIOTORTO
AA.VV. De Santa Comba da Órrea: Antiga Escola de Órrea ás 17 horas
Sábado, 30 de decembro
LUGO
Asociación de Inmigrantes e Retornados Rioplantenses: Casa das Asociacións (Rúa Montefaro) ás 12:30 horas
CASTRO DE REI
Asociación de Amingos da Feira: Teleclube ás 16:30 horas
COSPEITO
AA.VV. Recreativo e Cultural San Maritño de Pino: Escola de Pino ás 19 horas
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
