Efrén Castro e Daniel García participaron na inauguración, cunha nutrida representación de deportistas ribadenses
Lugo, 29 de novembro de 2023. O vicepresidente da Deputación de Lugo Efrén Castro e o deputado de Rural, Mar e Mocidade Daniel García participaron esta tarde na inauguración oficial do hangar de piragüismo de Ribadeo, unhas instalacións municipais renovadas con financiamento da Vicepresidencia da Deputación de Lugo, que achegou 74.200 euros para as obras.
Os traballos, realizados ao longo dos últimos meses, supuxeron a renovación integral das instalacións empregadas polo CP Altruán. Instaláronse vestiarios, reforzouse a estrutura construtiva do edificio e compartimentouse para habilitar espazo especifico como almacén de piraguas.
O vicepresidente da Deputación de Lugo remarcou “a súa satisfacción por ver as instalacións funcionando a pleno rendemento e a disposición das e dos deportistas do CP Altruán” e felicitou ao club “polo traballo que realiza na promoción do deporte e na posta en valor da Ría de Ribadeo como espazo de ocio activo” e “por unha temporada moi meritoria tamén no estritamente competitivo, destacando en competicións provinciais, galegas e estatais – con 112 podios ao longo do ano – e cun fito tan ilusionante como a primeira participación dun deportistas da canteira nun Campionato do Mundo con Nicolás Gayol”. “Agardamos que estas instalacións fgan máis confortable e doado un traballo magnífico, do que estamos orgullosas e orgullosos”, concluíu.
O presidente do club Jose Ángel Fernández Fernández “Fefo” valorou unha reforma que “nos dá unha nova oportunidade. unha mellora que nos dá unha nova oportunidade. Ata agora, os máis de 40 mozos e mozas que compiten tiñan que cambiarse en condicións lamentables: no exterior, mollándose e pasando moito frío. Con estes traballos teñen un sitio no que facelo a cuberto e no que se poden duchar con auga quente, algo que non era posible antes da obra”. Ademais, explicou que “o material terá unha vida útil máis longa, porque podemos almacenar as 120 piraguas e os kayaks dos que dispoñemos nun espazo saneado e con ventilación adecuada”
No acto participou unha nutrida representación de deportistas do CP Altruán, que conta con máis de 40 rapazas e rapaces competindo en distintas categorías, e representantes municipais.
Ademais da renovación das instalacións, a área de Deportes da Vicepresidencia da Deputación de Lugo apoia a actividade competitiva e de promoción do deporte que realiza o CP Altrúan, a través das subvencións de concorrencia a clubs e entidades da provincia.
O club ribadense participa, xunto ao resto de clubs de augas tranquilas, na Copa Deputación de Piraguismo, patrocinada pola área de Deportes, que se confirmou nos últimos anos como unha das principais plataformas de traballo para as categorías de base. Tamén recibe apoio para a formación de piraguistas e apoio loxístico a través do Plan Provincial de Promoción do Piraguismo da Federación Galega de Piragüismo, que financia a Vicepresidencia da Deputacióin de Lugo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
