O PP de Foz advirte que o bipartito pretende que a Escola de Música para menores de 18 anos custe 2,5 veces máis que costa agora
Foz, 23 de novembro de 2023. O voceiro do PP de Foz, Javier Castiñeira, sinala que “un dos exemplos máis descarados do zarpazo que o goberno de esquerdas lle está dando aos nosos veciños a modo de impostos é nunha área onde entendemos que é absolutamente innecesario como é a área de Cultura e, concretamente, na Escola de Música”.
As taxas de 73,79€/ano que pagaban os menores de 18 anos pasarán, segundo a proposta do goberno bipartito, a establecerse nos 178,60€/ano. É dicir, custará máis do dobre: practicamente 2,5 veces máis que ata agora. E, no caso dos maiores de 18 anos, vai pasar de 98,82€/ano a 270,63€/ano. “É unha verdadeira loucura esta subida que pretenden o señor Cajoto e o señor Fanego para as taxas da Escola de Música”.
Castiñeira denuncia tamén que “o bipartito suba as taxas sen reunir a comisión de seguimento da Escola de Música que conta con representación da Anpa e da oposición”. Pero “non nos sorprende” porque “o alcalde xa ten demostrado o pouco cariño que lle ten a esta institución que leva moitos anos facendo moi bo traballo no ámbito da cultura do noso concello”. E engade que “dende que goberna o PSOE xa non é que tivera mellora ningunha, senón ao contrario: cada vez que cambian algo é para peor.
O voceiro popular pon este caso como exemplo da “suba de impostos que queren facer este ano para recadar máis”. Neste sentido, Castiñeira pregunta por que PSOE e BNG non anunciaron nos seus programas electorais que ían subir os impostos aos veciños e as taxas da Escola de Música. O popular cre que, nese caso, “os resultados electorais probablemente foran absolutamente distintos”.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
