A Mariña, xoves 23 de novembro 2023. Na mañá de hoxe, o concelleiro do BNG no Vicedo, Miguel Gómez, xunto co deputado no Parlamento Daniel Castro e membros da formación na localidade fixeron públicas as iniciativas que levarán ao pleno que a corporación municipal vicedense celebra a próxima semana diante da grave situación á que o SERGAS está sometendo á poboación coa falta de médico e ao non cubrirse o servizo totalmente, xa que logo das protestas veciñais cubriuse parcialmente, tal como afirmou o portavoz do Bng no Vicedo, Gómez Fraga: “os veciños e veciñas estamos a sufrir as eivas da precaria situación que atravesa a nosa atención primaria coa falta de médico no noso centro de saúde, que só cubriron parcialmente, provocando graves inconvintes á veciñanza que ven como non lles é posible facer trámites cotiáns e necesarios coma analíticas, receitas, tramitación de altas, consultas….”
Pola súa banda, o deputado mariñao Daniel Castro vén de rexistrar no Parlamento diversas iniciativas ao respecto, demandando á Xunta de Galiza a cubrir o servizo de médico sempre e non parcialmente no Vicedo, así como ofrecer o servizo de pediatría de forma continuada no PAC de Viveiro, ao que está escrio o concello de O Vicedo.
Veciños de O Vicedo percorrendo a comarca na procura de atención sanitaria
Os representantes do BNG fixeron denunciaron tamén que nos últimos días os veciños e veciñas do Vicedo tiñan que percorrer media comarca da Mariña en busca de atención, xa que, desde O Vicedo derívanos a Viveiro, mais a situación volvese repetir, xa que tampouco hai médicos, sendo o seguinte paso Burela, que sufre os efectos de que O Vicedo, Ourol e Viveiro teñan que colapsar o Hospital. “Queda claro que esta atención primaria non é de calidade e moito menos non é a que merecen os veciños dos tres concellos” afimou Daniel Castro, que sinalou tamén que o PP segue a facer saltar polos aires a atención primaria en toda a comarca, destruíndo paulatinamente este servizo, e poñendo en risco a usuarios e profesionais.
Mobilización o domingo 26 de novembro ás 11:30 diante do Centro de Saúde
Desde o BNG fan tamén un chamamento á poboación a participar na mobilización do vindeiro domingo día 26 ás 11:30 diante do Cento de Saúde de O Vicedo, convocada polo colectivo de asociacions do concello e máis pola Plataforma en Defensa da Sanidade Pública da Mariña.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
