José María Fernández ve fundamental este entendemento xa que a recuperación dos lumes que afectaron a Trabada “chegará antes se imos todos na mesma dirección” xa que neste eido temos un obxectivo común
Trabada, 3 de novembro de 2023. O voceiro do PP de Trabada, José María Fernández, destaca o “construtivo” da xuntanza que mantivo onte coa alcaldesa do municipio, Mayra García, xa que ambas partes concorreron a este encontro cun obxectivo común: “a pronta recuperación da afectación do lume en Trabada”.
José María Fernández tamén aproveita para agradecer á Mayra García que aceptase a proposta de reunirse para “buscar puntos de encontro e así traballar conxuntamente pola recuperación de Trabada”.
Neste senso, o voceiro popular explica que “acordamos ir conxuntamente ás xuntanzas cos afectados e estar ambos ao tanto das peticións que se realicen as administracións para acadar a recuperación do municipio”. “Considero que manter un diálogo permanente neste eido é o mellor para os veciños de Trabada”, explicou.
José María Fernández agradece o encontro mantido coa alcaldesa, pero pensa que debería terse realizado antes, non só como voceiro do Grupo Municipal Popular, se non como un dos veciños afectados.
O voceiro popular afirma que sempre estará aberto ao diálogo e manterá unha postura propositiva “xa que sempre estiven e estarei ao servizo de Trabada para mellorar todo aquelo que sexa necesario e, neste caso, estou disposto dende o primeiro intre a buscar solucións unha vez sufocado o lume; non para pedirlle explicacións das actuacións duns e doutros porque todos sufrimos polo lume”.
E xa que pon en dúbida a miña actuación persoal nos días dos incendios e que os veciños e veciñas xa coñecen de primeira man, especialmente tódolos presentes; permítame que lla aclare a vostede que ten a pouca sensibilidade e empatía de negar a miña implicación a pesar de saber que fun un dos afectados.
Neste senso, José María Fernández ve necesario mellorar moitos aspectos de Trabada pero “non quero facer leña da árbore caída, se non que o meu propósito e o de todos os que formamos parte do Partido Popular é colaborar en todo aquelo que sexa necesario para garantir a mellora do municipio e que todos os servizos están en perfectas condicións para empregalos cando sexa necesario”.
De feito, eu mesmo e os meus compañeiros colaboramos en todo o que puidemos cos servizos de extinción e puxemos a disposición todos os nosos medios para poder loitar contra o lume.
Por último, José María Fernández indica que seguirá a defender os intereses dos veciños de Trabada, como poden ser as axudas da PAC para tódolos gandeiros e gandeiras.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
